13 قازاندا وتكەن رەسەي ەنەرگەتيكالىق اپتالىعى فورۋمىنىڭ پلەنارلىق وتىرىستىڭ سوڭىندا رەسەي پرەزيدەنتى ۆلاديمير پۋتين CNBC تەلەارناسىنىڭ جۇرگىزۋشىسى حەدلي گەمبلگە سۇحبات بەردى، دەپ حابارلايدى “ادىرنا” ۇلتتىق پورتالى.
ول مەملەكەت باسشىسىنان ونىڭ 84 جاسقا دەيىن پرەزيدەنتتىكتە قالعىسى كەلەتىنىن سۇرادى.
«جوق، مەن مۇنداي سۇراقتارعا جاۋاپ بەرگەندى ۇناتپايمىن، بۇل مەنىڭ ءداستۇرلى جاۋابىم. كەلەسى سايلاۋعا ءالى كوپ ۋاقىت بار »، - دەدى ول.
پۋتين بۇل تاقىرىپتاعى اڭگىمەلەر جاعدايدى تۇراقسىزداندىراتىنىن باسا ايتتى.
«بارلىق مەملەكەتتىك ورگاندار، بارلىق مەملەكەتتىك قۇرىلىمدار سەنىمدى تۇردە جۇمىس ىستەپ، بولاشاققا بايسالدى قاراۋ ءۇشىن جاعداي تىنىش ءارى تۇراقتى بولۋى كەرەك»، - دەدى پرەزيدەنت.
مەملەكەت باسشىسى كونستيتۋتسيا كەلەسى مەرزىمگە سايلاۋعا تۇسۋگە مۇمكىندىك بەرەتىنىن دە تىلگە تيەك ەتتى.
«بىراق بۇل كورسەتكىش بويىنشا ءالى شەشىم قابىلدانعان جوق»، - دەدى پۋتين.
”ادىرنا” ۇلتتىق پورتالى
