پەتروپاۆلداعى «سۇلتان» ماكارون فابريكاسىندا 35 جاستاعى جۇمىسشى قازا تاپتى، دەپ حابارلايدى “ادىرنا”.
الدىن الا مالىمەت بويىنشا، ەر ادام قامىر يلەيتىن اپپاراتتى تازالاۋ كەزىندە قۇرىلعىنىڭ ىشىنە تارتىلىپ كەتكەن.
قايعىلى وقيعا 12 قازان كۇنى تۇنگى ساعات 03:00 شاماسىندا بولعان. كاسىپورىننىڭ وندىرىستىك جەلىسى اپپاراتتى قامىر قالدىقتارىنان تازارتۋ ءۇشىن توقتاتىلعان. الايدا جۇمىسشى جابدىقتىڭ ىشكى بولىگىن تازالاپ جاتقاندا، ونىڭ قالاقتارى مەن بىلىكتەرى ىسكە قوسىلىپ كەتكەن. سالدارىنان ەر ادام وقيعا ورنىندا كوز جۇمدى.
سولتۇستىك قازاقستان وبلىستىق پوليتسيا دەپارتامەنتىنىڭ مالىمەتىنشە، ادام ولىمىنە اكەپ سوققان ەڭبەك قاۋىپسىزدىگى قاعيدالارىن بۇزۋ دەرەگى بويىنشا قىلمىستىق ءىس قوزعالدى.
قازىر وقيعانىڭ ءمان-جايىن انىقتاۋ ءۇشىن تەرگەۋ امالدارى جۇرگىزىلىپ جاتىر. سونىمەن قاتار جازاتايىم وقيعانىڭ سەبەپتەرىن انىقتاۋ ماقساتىندا ارنايى كوميسسيا قۇرىلدى.
پوليتسيا قىلمىستىق-پروتسەستىك كودەكستىڭ 200-بابىنا سايكەس ەڭبەك ينسپەكتسياسى مەن كاسىپورىن باسشىلىعىنا انىقتالعان ءمان-جايلاردى جويۋ جونىندە ۇسىنىس ەنگىزگەن.
