Petropavldaǧy «Sūltan» makaron fabrikasynda 35 jastaǧy jūmysşy qaza tapty, dep habarlaidy “Adyrna”.
Aldyn ala mälımet boiynşa, er adam qamyr ileitın apparatty tazalau kezınde qūrylǧynyŋ ışıne tartylyp ketken.
Qaiǧyly oqiǧa 12 qazan künı tüngı saǧat 03:00 şamasynda bolǧan. Käsıporynnyŋ öndırıstık jelısı apparatty qamyr qaldyqtarynan tazartu üşın toqtatylǧan. Alaida jūmysşy jabdyqtyŋ ışkı bölıgın tazalap jatqanda, onyŋ qalaqtary men bılıkterı ıske qosylyp ketken. Saldarynan er adam oqiǧa ornynda köz jūmdy.
Soltüstık Qazaqstan oblystyq polisiia departamentınıŋ mälımetınşe, adam ölımıne äkep soqqan eŋbek qauıpsızdıgı qaǧidalaryn būzu deregı boiynşa qylmystyq ıs qozǧaldy.
Qazır oqiǧanyŋ män-jaiyn anyqtau üşın tergeu amaldary jürgızılıp jatyr. Sonymen qatar jazataiym oqiǧanyŋ sebepterın anyqtau maqsatynda arnaiy komissiia qūryldy.
Polisiia Qylmystyq-prosestık kodekstıŋ 200-babyna säikes eŋbek inspeksiiasy men käsıporyn basşylyǧyna anyqtalǧan män-jailardy joiu jönınde ūsynys engızgen.
