1 ناۋرىز كۇنى ساعات 10:20 شاماسىندا اتىراۋ وبلىسىنداعى تەندىك ستانتسياسىنىڭ تەمىرجول وتكەلىندە ءىرى جول-كولىك وقيعاسى بولدى. جۇك كولىگى جۇرگىزۋشىسىنىڭ جول قوزعالىسى ەرەجەلەرىن بۇزۋىنان جۇك پويىزىنا سوقتىعىسىپ، لوكوموتيۆ پەن 11 بوس ۆاگون رەلستەن شىعىپ كەتتى، دەپ حابارلايدى "ادىرنا" ۇلتتىق پورتالى.
اپات سالدارىنان لوكوموتيۆ بريگاداسىنىڭ قىزمەتكەرلەرى جاراقات الدى. قازىرگى ۋاقىتتا وقيعانىڭ ءمان-جايى انىقتالۋدا.
"2024 جىلى تەمىرجول وتكەلدەرىندە اۆتوكولىك جۇرگىزۋشىلەرىنىڭ جول قوزعالىسى ەرەجەلەرىن بۇزۋىنا بايلانىستى 28 جول-كولىك وقيعاسى تىركەلدى. قتج وسىنداي جاعدايلاردىڭ الدىن الۋ ءۇشىن تەمىرجول وتكەلدەرىندەگى قاۋىپسىزدىك ەرەجەلەرىن ساقتاۋدىڭ ماڭىزدىلىعىن ەسكەرتەدى،" – دەپ مالىمدەدى «قازاقستان تەمىر جولى» ۇك» اق ءباسپاسوز قىزمەتى.
ەسكە سالا كەتسەك، بۇعان دەيىن قاراعاندى وبلىسىندا جۇك پويىزىنىڭ ۆاگوندارى رەلستەن شىعىپ كەتكەنى تۋرالى حابارلانعان بولاتىن.
