قازاقستاندا تسيفرلىق كوشپەندىلەر باعدارلاماسىنا 30 ەلدەن 1,5 مىڭنان استام IT مامانى ءوتىنىش بەرگەن، دەپ حابارلايدى “ادىرنا”.
بۇل تۋرالى پرەمەر-مينيستر ولجاس بەكتەنوۆ استانادا ءوتىپ جاتقان AI & Digital Bridge 2026 حالىقارالىق فورۋمىندا ايتتى.
ۇكىمەت باسشىسى قازاقستاندا جۇزەگە اسىرىلىپ جاتقان ءىرى تسيفرلىق جوبالارعا دا توقتالدى. ونىڭ ايتۋىنشا، ەلىمىزدە روبوتوتەحنيكالىق جۇيەلەر وندىرەتىن العاشقى QAZBOT كەشەنىنىڭ قۇرىلىسى باستالدى.
سونىمەن قاتار، Alatau City تولىق تسيفرلاندىرىلعان قالا رەتىندە دامىتىلماق. مۇندا سىناقتان وتكەن تسيفرلىق شەشىمدەردى كەيىن قازاقستاننىڭ وزگە وڭىرلەرىندە ەنگىزۋ جوسپارلانىپ وتىر.
ۇقساس جاڭالىقتار
