ەلىمىزدە امنيستيا اياسىندا 2,6 مىڭنان استام ادامعا قاتىستى شەشىم قابىلداندى. بۇل تۋرالى ىشكى ىستەر مينيسترلىگى مالىمدەدى، دەپ حابارلايدى «ادىرنا» ءتىلشىسى.
ءىىم مالىمەتىنشە، امنيستيا تەك سوتتالعان ازاماتتارعا عانا ەمەس، سونىمەن قاتار قىلمىستىق تەرىس قىلىقتار، ونشا اۋىر ەمەس جانە اۋىرلىعى ورتاشا قىلمىستار بويىنشا تەرگەۋدەگى ادامدارعا دا قولدانىلادى.
«بۇگىنگى تاڭدا ىشكى ىستەر ورگاندارى سوتقا دەيىنگى تەرگەپ-تەكسەرۋ بارىسىندا 2 471 قىلمىستىق ءىس بويىنشا 2 621 ادامعا امنيستيا قولداندى»، – دەلىنگەن حابارلامادا.
ۆەدومستۆونىڭ مالىمەتىنشە، امنيستيانى جۇزەگە اسىرۋ جۇمىستارى زاڭناما تالاپتارىن قاتاڭ ساقتاۋ جانە ازاماتتاردىڭ قۇقىقتارىن قامتاماسىز ەتۋ قاعيداتتارىنا نەگىزدەلگەن «زاڭ مەن ءتارتىپ» تۇجىرىمداماسىنا سايكەس جۇرگىزىلىپ جاتىر.
ەسكە سالايىق، 1 شىلدەدە «جاڭا كونستيتۋتسيانىڭ قابىلدانۋىنا بايلانىستى امنيستيا جاساۋ تۋرالى» قازاقستان رەسپۋبليكاسىنىڭ زاڭى قابىلدانعان ەدى.
