Elımızde amnistiia aiasynda 2,6 myŋnan astam adamǧa qatysty şeşım qabyldandy. Būl turaly Işkı ıster ministrlıgı mälımdedı, dep habarlaidy «Adyrna» tılşısı.
IIM mälımetınşe, amnistiia tek sottalǧan azamattarǧa ǧana emes, sonymen qatar qylmystyq terıs qylyqtar, onşa auyr emes jäne auyrlyǧy ortaşa qylmystar boiynşa tergeudegı adamdarǧa da qoldanylady.
«Bügıngı taŋda ışkı ıster organdary sotqa deiıngı tergep-tekseru barysynda 2 471 qylmystyq ıs boiynşa 2 621 adamǧa amnistiia qoldandy», – delıngen habarlamada.
Vedomstvonyŋ mälımetınşe, amnistiiany jüzege asyru jūmystary zaŋnama talaptaryn qataŋ saqtau jäne azamattardyŋ qūqyqtaryn qamtamasyz etu qaǧidattaryna negızdelgen «Zaŋ men Tärtıp» tūjyrymdamasyna säikes jürgızılıp jatyr.
Eske salaiyq, 1 şıldede «Jaŋa Konstitusiianyŋ qabyldanuyna bailanysty amnistiia jasau turaly» Qazaqstan Respublikasynyŋ Zaŋy qabyldanǧan edı.
