استانادا جاياۋ جۇرگىنشىنى قاعىپ، جول-كولىك وقيعاسى ورنىنان كەتىپ قالعان جۇرگىزۋشى انىقتالدى، دەپ حابارلايدى "ادىرنا" ءتىلشىسى.
اقپاراتتى استانا قالاسى پوليتسيا دەپارتامەنتى راستادى.
الەۋمەتتىك جەلىدە جول-كولىك وقيعاسىنىڭ ۆيدەوسى تاراعان. كادرلاردا كوشەدە كەلە جاتقان قىزدى كولىك قاعىپ، جۇرگىزۋشىنىڭ توقتاماستان وقيعا ورنىنان كەتكەنى كورىنەدى.
پوليتسيا دەپارتامەنتىنىڭ مالىمەتىنشە، جول-كولىك وقيعاسىنا قاتىسى بار «Jetour T2» اۆتوكولىگىنىڭ جۇرگىزۋشىسى انىقتالعان. كولىك كوممۋنالدىق تۇراققا قويىلدى.
قازىر وقيعا بويىنشا تەكسەرۋ جۇرگىزىلىپ جاتىر. ونىڭ قورىتىندىسى بويىنشا قولدانىستاعى زاڭناماعا سايكەس ءتيىستى شارا قابىلدانادى.
پوليتسيا جول-كولىك وقيعاسىنىڭ ءمان-جايى تەكسەرۋ ناتيجەسىندە انىقتالاتىنىن حابارلادى.
ۇقساس جاڭالىقتار
