استانا قالاسى بويىنشا قاج دەپارتامەنتىنە قاراستى №64 مەكەمەدە سالەمدەمەنى تەكسەرۋ بارىسىندا تىيىم سالىنعان زاتتاردى الىپ ءوتۋ ارەكەتى انىقتالدى، دەپ حابارلايدى "ادىرنا".
قىلمىستىق اتقارۋ جۇيەسىنىڭ استاناداعى دەپارتامەنتى الەۋمەتتىك جەلىسىنە قالا شەتىندەگى يزولياتوردا تۇسىرىلگەن ۆيدەونى جۇكتەپ، قازنەتتى شۋلاتتى. كۇزەتشىنىڭ اياق كيىم ىشىنەن ءۇش تەلەفون تاۋىپ العان ۆيدەوسى نەبارى 14 ساعاتتىڭ ىشىندە ميلليوننان استام قارالىم جيناپ ۇلگەرگەن.
دەپارتامەنتتىڭ الەۋمەتتىك جەلىسىندە مالىمەتىنە سۇيەنسەك، بۇل ەتىكتى تۋىسى يزولياتورداعى جاقىنىنا بەرىپ جىبەرمەك بولعان. كۇزەتشى سوڭعى ساتتە قىراعىلىق تانىتىپ، تىيىم سالىنعان زاتتى بايقاپ قالعان.
«2026 جىلى 9 اقپاندا استانا قالاسى بويىنشا قاج دەپارتامەنتىنە قاراستى №64 مەكەمەدە سالەمدەمەنى تەكسەرۋ بارىسىندا تىيىم سالىنعان زاتتاردى الىپ ءوتۋ ارەكەتى انىقتالدى.
تەكسەرۋ كەزىندە تەرگەۋ-قاماۋدا وتىرعان ازاماتقا ارنالعان قىسقى اياق كيىمنىڭ ۇلتاراعىنىڭ استىنانان «Nokia» ماركالى ءۇش ۇيالى تەلەفون جانە ءۇش SIM-كارتا تابىلىپ، تاركىلەندى»، - دەپ حابارلايدى دەپارتامەنتتىڭ ءباسپاسوز قىزمەتى.
ۇيالى تەلەفونداردى جاسىرىپ وتپەك بولعان ازاماتقا قاتىستى اكىمشىلىك ءىس قوزعالىپ، تەرگەلىپ جاتىر.
