شىعىس قازاقستان وبلىسىندا سپورتتىق اۋلا كلۋبتارى ليگاسىنىڭ فينالدىق كەزەڭى ءوتتى. 24–27 قىركۇيەك ارالىعىندا وسكەمەن قالاسىندا مەكتەپ وقۋشىلارى اراسىندا شاعىن فۋتبول مەن ۇستەل تەننيسىنەن وبلىستىق جارىس ۇيىمداستىرىلدى.
جارىس شىعىس قازاقستان وبلىسى پروكۋراتۋراسىنىڭ باستاماسىمەن جانە وبلىس اكىمدىگىنىڭ قولداۋىمەن وتكىزىلدى.
جوبا «زاڭ مەن ءتارتىپ» يدەولوگياسىن ىلگەرىلەتۋگە، بالالار مەن جاسوسپىرىمدەردى سپورتقا تارتۋعا جانە ولاردىڭ بوس ۋاقىتىن ءتيىمدى ۇيىمداستىرۋعا باعىتتالدى.
سپورتتىق اۋلا كلۋبتارى ليگاسى شىعىس قازاقستان وبلىسىنىڭ 2026–2027 جىلدارعا ارنالعان جاستار ساياساتىن ىسكە اسىرۋ ستراتەگياسى اياسىندا قۇرىلدى. جازعى دەمالىس كەزەڭىندە وبلىستىڭ قالالارى مەن اۋداندارىنان كەلگەن جاسوسپىرىمدەر شاعىن فۋتبول مەن ۇستەل تەننيسىنەن وڭىرلىك جارىستارعا قاتىستى.
جازعى كەزەڭدە جارىستارعا 4,5 مىڭنان استام بالا قامتىلدى. ونىڭ ىشىندە 3 261 قاتىسۋشى شاعىن فۋتبولدان، 1 357 ءجاسوسپىرىم ۇستەل تەننيسىنەن باق سىنادى.
ال فينالدىق كەزەڭدە وبلىستىڭ ۇزدىك كوماندالارى مەن سپورتشىلارى ءوزارا مىقتىنى انىقتادى. جارىسقا بارلىعى 663 مەكتەپ وقۋشىسى قاتىستى. ونىڭ 468-ءى شاعىن فۋتبولدان، 195-ءى ۇستەل تەننيسىنەن سىنعا ءتۇستى.
