سولتۇستىك قازاقستان وبلىسى ماعجان جۇماباەۆ اۋدانىنىڭ ورتالىعى بۋلاەۆ قالاسىندا زەينەتكەر ءوز ۇيىندە تىرىدەي جانىپ كەتتى. بۇل تۋرالى كتك تەلەارناسى جاريالادى، دەپ حابارلادى “ادىرنا” ۇلتتىق پورتالى.
ءورت باستالعاندا جالعىز تۇراتىن 69 جاستاعى ەر ادام ۇيىقتاپ جاتقان. زەينەتكەردىڭ مۇمكىندىگى شەكتەۋلى ەكەنى انىقتالدى، ول وزدىگىنەن ءجۇرىپ-تۇرا الماعان ەكەن. ءورت سوندىرۋشىلەر جەتەمىن دەگەنشە، ءۇيدىڭ توبەسى وپىرىلىپ ورتاسىنا قۇلاعان.
قۇتقارۋشىلار مارقۇمنىڭ دەنەسىن قيراندى اراسىنان شىعارىپ الدى. ساراپتاما تاعايىندالىپ، ءورتتىڭ نەدەن شىقققانى انىقتالىپ جاتىر.
«وقيعا ورنىنا ساعات ۇشتەن 42 مينۋت كەتكەندە جەتتى. ورتەنگەن اۋماق 55 شارشى مەتر. وتتىڭ نەدەن تۇتانعانى انىقتالىپ جاتىر. بىرقاتار ساراپتاما تاعايىندالدى. ال مارقۇم — ءبىرىنشى توپتاعى مۇگەدەك»، – دەيدى سقو تجد باسقارماسى باستىعىنىڭ ورىنباسارى ايان قۇسايىنوۆ.
