16-27 قىركۇيەك ارالىعىندا سامارقاندتا وتكەن 46-شى شاحمات وليمپياداسىندا قازاقستان قۇراماسى 189 كوماندا اراسىندا 2-ورىنعا يە بولدى، دەپ حابارلايدى "ادىرنا".
شەشۋشى تۋردا قازاقستاندىق شاحماتشىلار پولشا كومانداسىمەن 2:2 ەسەبىمەن تەڭ ءتۇستى.
وسىلايشا، 18 ۇپاي جيناپ، كۇمىس جۇلدەگە قول جەتكىزدى. قىتاي التىن، ءۇندىستان قولا مەدال يەلەندى.
قازاقستان قۇراماسى ءتۋرنيردى بىردە-ءبىر كوماندالىق جەڭىلىسسىز اياقتاپ، 7 رەت جەڭىسكە جەتىپ، 4 رەت تەڭ ءتۇستى.
قۇراما ساپىندا ءبيبىسارا اساۋباەۆا، الۋا نۇرمان، مەرۋەرت قاماليدەنوۆا، ەلناز قاليحمەت جانە زارينا نۇرعاليەۆا ونەر كورسەتتى. كاپيتانى – پاۆەل كوتسۋر.
ايتا كەتەيىك، قازاقستان ايەلدەر قۇراماسى 2024 جىلى دا كۇمىس مەدال جەڭىپ العان بولاتىن.
ۇقساس جاڭالىقتار
