ماقسات مۇقاش اقتاۋ قالاسىنىڭ اكىمى بولىپ تاعايىندالدى، دەپ حابارلايدى "ادىرنا" ۇلتتىق پورتالى.
ونىڭ كانديداتۋراسى قازاقستان رەسپۋبليكاسى پرەزيدەنتىنىڭ اكىمشىلىگىمەن كەلىسىلگەن. ءتيىستى وكىمگە ماڭعىستاۋ وبلىسىنىڭ اكىمى نۇرداۋلەت قيلىباي قول قويدى.
ماقسات مۇقاش ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىن «دەنە شىنىقتىرۋ جانە سپورت»، قازاق گۋمانيتارلىق-زاڭ ۋنيۆەرسيتەتىن «قۇقىقتانۋ»، ال 2015 جىلى قازاق ەكونوميكا، قارجى جانە حالىقارالىق ساۋدا ۋنيۆەرسيتەتىن «مەملەكەتتىك جانە جەرگىلىكتى باسقارۋ» ماماندىقتارى بويىنشا تامامداعان.
ەڭبەك جولىن 2013 جىلى جاڭاوزەن قالاسىنداعى №7 ورتا مەكتەپتە دەنە شىنىقتىرۋ ءپانىنىڭ مۇعالىمى جانە №2 بالالار مەن جاسوسپىرىمدەر سپورت مەكتەبىندە ەركىن كۇرەس جاتتىقتىرۋشىسى رەتىندە باستاعان.
2016–2017 جىلدارى جاڭاوزەن قالاسىنىڭ قىزىلساي اۋىلىنداعى №3 بالالار مەن جاسوسپىرىمدەر سپورت مەكتەبى ديرەكتورىنىڭ ورىنباسارى، 2018–2019 جىلدارى اتالعان سپورت مەكتەبىنىڭ ديرەكتورى بولدى. 2019 جىلدان 2023 جىلعى ماۋسىمعا دەيىن جاڭاوزەن قالاسىنىڭ №1 بالالار مەن جاسوسپىرىمدەر سپورت مەكتەبىن باسقاردى. 2021–2023 جىلدارى VII شاقىرىلىمداعى جاڭاوزەن قالالىق ءماسليحاتىنىڭ دەپۋتاتى، سونداي-اق «اق جول» پارتياسىنىڭ جاڭاوزەن قالالىق فيليالىنىڭ جەتەكشىسى قىزمەتىن اتقاردى. 2023 جىلعى ماۋسىمنان قازانعا دەيىن ماڭعىستاۋ وبلىسى اكىمىنىڭ كومەكشىسى بولدى. 2023 جىلعى 24 قازاندا ماڭعىستاۋ وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى بولىپ تاعايىندالدى.
2025 جىلعى جەلتوقساننان بەرى جاڭاوزەن قالاسى اكىمىنىڭ ورىنباسارى قىزمەتىن اتقارىپ كەلدى.
