يران مەن اقش اراسىنداعى اسكەري شيەلەنىس قايتا ۋشىعۋى مۇمكىن ەكەنى ايتىلدى، دەپ حابارلايدى "ادىرنا" ۇلتتىق پورتالى Fars اگەنتتىگىنە سىلتەپ.
بۇل تۋرالى يران قارۋلى كۇشتەرى ورتالىق شتابى باسشىسىنىڭ ورىنباسارى گەنەرال موحامماد دجافار اسادي مالىمدەگەن.
گەنەرالدىڭ ايتۋىنشا، بەيبىت كەلىسسوزدەر تىعىرىققا تىرەلسە، ەكى ەل اراسىنداعى قاقتىعىستىڭ قايتا باستالۋ ىقتيمالدىعى بار. ول اقش تاراپى كەلىسىمدەردى تولىق ورىنداماي وتىر دەپ سانايدى.
اسادي يران قارۋلى كۇشتەرى كەز كەلگەن ىقتيمال ارانداتۋشىلىققا تولىق دايىن ەكەنىن اتاپ ءوتتى.
ال بۇعان دەيىن اقش پرەزيدەنتى دونالد ترامپ يران تاراپىنان بەرىلگەن ۇسىنىستارعا كوڭىلى تولمايتىنىن بىلدىرگەن. ونىڭ ايتۋىنشا، كەلىسسوزدەردە ىشكى كەلىسپەۋشىلىكتەر بار، بۇل مامىلەگە كەلۋ پروتسەسىن قيىنداتىپ وتىر. اقپارات كوزدەرىنە سايكەس، يران تاراپى ورمۇز بۇعازىندا ەركىن كەمە قاتىناسىن قامتاماسىز ەتۋ جانە اتىستى ۇزارتۋ سياقتى ۇسىنىستار ەنگىزگەن. الايدا يادرولىق باعدارلاماعا قاتىستى نەگىزگى ماسەلەلەر كەيىنگە قالدىرىلعان.
سونىمەن قاتار، اقش ورتالىق قولباسشىلىعى يرانعا قارسى ىقتيمال سوققى جوسپارىن ازىرلەگەنى تۋرالى مالىمەت تاراعان. دەگەنمەن تۇپكىلىكتى شەشىم قابىلدانباعان.
سوڭعى كەلىسسوزدەر ءساۋىر ايىندا وتكەنىمەن، تاراپتار اراسىنداعى يادرولىق باعدارلاماعا قاتىستى كەلىسپەۋشىلىكتەر ءالى دە ساقتالىپ وتىر.
