فوتو: gov.kz
قۋانىشبەك ۇشتاەۆ قر قارۋلى كۇشتەرى قۇرلىق اسكەرلەرىنىڭ باس قولباسشىسى بولىپ تاعايىندالدى. بۇل تۋرالى اقوردا جاريالادى،دەپ حابارلايدى "ادىرنا".
"مەملەكەت باسشىسىنىڭ وكىمىمەن قۋانىشبەك ۇسكەنبايۇلى ۇشتاەۆ قازاقستان رەسپۋبليكاسى قارۋلى كۇشتەرى قۇرلىق اسكەرلەرىنىڭ باس قولباسشىسى لاۋازىمىنا تاعايىندالدى", دەلىنگەن حابارلامادا.
پرەزيدەنتتىڭ تاعى ءبىر وكىمىمەن مەرەكە كوشەكباەۆ قازاقستان رەسپۋبليكاسى قارۋلى كۇشتەرى قۇرلىق اسكەرلەرىنىڭ باس قولباسشىسى لاۋازىمىنان بوساتىلدى.
قۋانىشبەك ۇشتاەۆ 1976 جىلى جامبىل وبلىسىندا دۇنيەگە كەلگەن. 1997 جىلى الماتى جوعارى اسكەري ۋچيليششەسىن، 2009 جىلى ۇلتتىق قورعانىس ۋنيۆەرسيتەتىن، 2018 جىلى رەسەي فەدەراتسياسى قارۋلى كۇشتەرى باس شتابىنىڭ اسكەري اكادەمياسىن تامامداعان.
25717 اسكەري بولىمىندە ءتۇرلى لاۋازىم اتقارعان. ءار جىلدارى موتواتقىشتار باتالونىن، دەسانتتىق-شابۋىلداۋ باتالونىن جانە 42062 اسكەري ءبولىمىن باسقاردى.
2009 جىلدان باستاپ 61993 اسكەري ءبولىمى شتابىنىڭ باستىعى – كومانديردىڭ ءبىرىنشى ورىنباسارى، 2010 جىلدان 12740 اسكەري ءبولىمىنىڭ كومانديرى، ال 2011 جىلدان 85395 اسكەري ءبولىمىنىڭ كومانديرى بولدى.
2015 جىلدان "وڭتۇستىك" وڭىرلىك قولباسشىلىعى اسكەرلەرى قولباسشىسىنىڭ ورىنباسارى (جاۋىنگەرلىك دايارلىق جونىندەگى) – اسكەرلەر قولباسشىسى باسقارماسىنىڭ جاۋىنگەرلىك دايارلىق باسقارماسىنىڭ باستىعى قىزمەتىن اتقاردى.
2018 جىلدان "شىعىس" وڭىرلىك قولباسشىلىعى اسكەرلەرى شتابىنىڭ باستىعى – قولباسشىنىڭ ءبىرىنشى ورىنباسارى بولدى. كەيىن "شىعىس" جانە "وڭتۇستىك" وڭىرلىك قولباسشىلىقتارىنىڭ اسكەرلەرىن باسقاردى.
2026 جىلعى 3 قىركۇيەكتە پرەزيدەنت داۋرەن قوسانوۆتى قازاقستاننىڭ قورعانىس ءمينيسترى قىزمەتىنە قايتا تاعايىندادى.
