مەملەكەت باسشىسىنىڭ وكىمدەرىمەن:
ماحسۋت كۋرماناليەۆيچ گۋسەينوۆ قازاقستان رەسپۋبليكاسى قارۋلى كۇشتەرىنىڭ دەسانتتىق-شابۋىلداۋ اسكەرلەرىنىڭ قولباسشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى.
باعلان ابدىجالەلۇلى وسەرباەۆ "استانا" وڭىرلىك قولباسشىلىعى اسكەرلەرىنىڭ قولباسشىسى لاۋازىمىنا تاعايىندالدى.
ماحسۋت گۋسەينوۆ – 1977 جىلى شىمكەنت وبلىسى بۇگۇن اۋدانىنىڭ شۇباروۆ اۋىلىندا دۇنيەگە كەلگەن. 2000 ج. قر قك اسكەري اكادەمياسىن ءجاۋ (موتواتقىشتار اسكەرلەرىنىڭ كوماندالىق تاكتيكالىق) باعدارلاماسى بويىنشا، 2013 ج. (اسكەري جانە اكىمشىلىك باسقارۋ) ماماندىعى بويىنشا ۇلتتىق قورعانىس ۋنيۆەرسيتەتىن، 2021 ج. ۇلتتىق قورعانىس ۋنيۆەرسيتەتىنىڭ "قارۋلى كۇشتەرىنىڭ اكادەمياسى" فاكۋلتەتىن (اسكەري ىستەگى ستراتەگيالىق مەنەدجمەنت) تامامدادى.
2000 جىلدان باستاپ 2021 جىلعا دەيىنگى ارالىقتا ۆزۆود كومانديرىنەن باستاپ اسكەرلەر قولباسشىسى ورىنباسارىنا دەيىن ءارتۇرلى لاۋازىمداردا قىزمەت وتكەردى. 2024 جىلعى 29 قاراشادا مەملەكەت باسشىسىنىڭ وكىمىمەن "استانا" وڭىرلىك قولباسشىلىعى اسكەرلەرىنىڭ قولباسشىسى بولىپ تاعايىندالدى.
باعلان وسەرباەۆ بۇعان دەيىن دەسانتتىق-شابۋىلداۋ بريگاداسىنىڭ كومانديرى، "استانا" وڭىرلىك قولباسشىلىعى اسكەرلەرى قولباسشىسىنىڭ ءبىرىنشى ورىنباسارى، سونداي-اق "باتىس" وڭىرلىك قولباسشىلىعى اسكەرلەرى قولباسشىسىنىڭ ءبىرىنشى ورىنباسارى قىزمەتتەرىن اتقارعان.
