Temırtauda jeke tūrǧyn üide gaz jarylyp, 67 jastaǧy er adam zardap şektı. Ol auyr küiıkpen auruhanaǧa jetkızılıp, jansaqtau bölımıne jatqyzyldy, dep habarlaidy "Adyrna" tılşısı.
Oqiǧa 18 qyrküiek künı taŋǧy saǧat 06:00 şamasynda bolǧan. Körşıler qatty jarylys dauysyn estıp, qūtqaru qyzmetıne habar bergen.
Jarylys saldarynan tūrǧyn üidıŋ as bölmesı tolyq qiraǧan. Ǧimarattyŋ töbesınde jaryqtar paida bolyp, terezeler men esıkter zaqymdanǧan.
Oqiǧa kezınde üide 67 jastaǧy er adam bolǧan. Jedel järdem qyzmetkerlerı ony termiialyq küiıkpen Temırtau qalasynyŋ köpbeiındı auruhanasyna jetkızgen. Qazır zardap şeguşı jansaqtau bölımınde em qabyldap jatyr.
Aldyn ala boljam boiynşa, gazdyŋ özdıgınen ıske qosyluy jarylysqa sebep boluy mümkın. Alaida zardap şekken adamnyŋ tuystary būl nūsqamen kelıspeidı. Olar oqiǧanyŋ naqty sebebın anyqtau üşın saraptama jürgızudı talap etıp otyr.
Atalǧan faktı boiynşa qylmystyq ıs qozǧaldy. Qazır jarylystyŋ naqty sebebı men oqiǧanyŋ özge de män-jailary anyqtalyp jatyr.
