«B2B Jewelry» قارجى پيراميداسىنا الدانعاندارعا 123 ملن تەڭگە قايتارىلدى

2127
Adyrna.kz Telegram

قما جۇرگىزگەن جۇمىستاردىڭ ناتيجەسىندە «B2B Jewelry» قارجىلىق پيراميداسىنىڭ 197 سالىمشىسىنا 123 ميلليون تەڭگە قايتارىلدى. بۇل تۋرالى  قارجىلىق مونيتورينگ اگەنتتىگى حابارلادى، دەپ جازادى "ادىرنا" ۇلتتىق پورتالى. 

ەسكە سالايىق، اگەنتتىكتىڭ الماتى قالاسى بويىنشا دەپارتامەنتى «B2B Jewelry» زەرگەرلىك دۇكەندەر جەلىسىنىڭ اتىن جامىلعان قارجى پيراميداسىنىڭ قىزمەتىن ۇيىمداستىرۋعا قاتىستى سوتقا دەيىنگى تەرگەۋدى اياقتادى.

سوت ۇكىمىمەن قارجى پيراميداسىن ۇيىمداستىرۋشى كىنالى دەپ تانىلىپ، ول 5 جىل مەرزىمگە قارجىلىق قىزمەتپەن اينالىسۋ قۇقىعىنان ايىرۋمەن 6 جىل 8 ايعا باس بوستاندىعىنان ايىرىلدى. قىلمىستىڭ قالعان سىبايلاستارىنا قاتىستى سوتقا دەيىنگى ءىس جۇرگىزۋ اياقتالۋعا جاقىن.

"ادىرنا" ۇلتتىق پورتالى 

پىكىرلەر