الماتىدا ەسىرتكى تاراتۋعا دايىندالعان ەكى ەر ادام ۇستالدى. بۇل تۋرالى الماتى پوليتسياسى مالىمدەدى، دەپ حابارلايدى "ادىرنا".
اقپاراتقا سايكەس، ءبىر كۇدىكتىنىڭ ۇيىنەن شامامەن 240 گرامم ۇنتاق زات، 50 دايىن بۋما، ەلەكتروندى تارازى، تاسپا مەن قولعاپ تابىلدى. ەكىنشى كۇدىكتىنىڭ جانىنان اق ءتۇستى زات سالىنعان 48 بۋما تاركىلەندى.
تابىلعان زاتتار ساراپتاماعا جىبەرىلدى. ەكى دەرەك بويىنشا قىلمىستىق ءىس قوزعالىپ، كۇدىكتىلەر قاماۋعا الىندى.
قازىر پوليتسيا ولاردىڭ زاتتاردى قايدان العانىن جانە وقيعانىڭ باسقا دا ءمان-جايلارىن انىقتاپ جاتىر.
ۇقساس جاڭالىقتار
