«اتىراۋ» فۋتبول كلۋبىنىڭ تۇركياداعى وقۋ-جاتتىعۋ جيىنىنا بايلانىستى بەرەشەگى بار، دەپ حابارلايدى “ادىرنا”.
كلۋب ءباسپاسوز قىزمەتى اقپاراتتى راستادى.
الدىن الا مالىمەت بويىنشا، كلۋبتىڭ تۇرىك تاراپىنا بەرەشەگى 42,2 مىڭ ەۋرونى، ياعني شامامەن 21,5 ملن تەڭگەنى قۇرايدى. اتىراۋلىق كوماندا بيىل قىستا تۇركيانىڭ انتاليا قالاسىندا ءبىر ايعا جۋىق وقۋ-جاتتىعۋ جيىنىن وتكىزگەن. الايدا جيىن اياقتالعاننان كەيىن شامامەن جەتى اي وتسە دە، قارجىلىق مىندەتتەمەلەردىڭ ءبىر بولىگى وتەلمەگەن.
كلۋبتىڭ مالىمەتىنشە، بۇل بەرەشەك قازىرگى باسشىلىق قىزمەتكە كىرىسكەنگە دەيىن قالىپتاسقان. قازىرگى باسشىلىق كلۋبتى باسقارۋعا 2026 جىلعى 17 ساۋىردەن باستاپ كىرىسكەن.
قازىر كلۋبتا ماسەلە زەردەلەنىپ جاتىر. بەرەشەكتى رەتتەۋ جانە تۇرىك تاراپىمەن قارجىلىق مىندەتتەمەلەردى كەزەڭ-كەزەڭىمەن ورىنداۋ بويىنشا جۇمىس جۇرگىزۋ جوسپارلانعان.
