ەڭبەك جانە حالىقتى الەۋمەتتىك قورعاۋ مينيسترلىگى كوشى-قون راسىمدەرىنە قاتىستى الاياقتىق ارەكەتتەردەن ساق بولۋعا شاقىردى، دەپ حابارلايدى «ادىرنا» ءتىلشىسى.
مينيسترلىكتىڭ مالىمەتىنشە، كوشى-قون كوميتەتىنە قۇجاتتاردى اقىلى تۇردە جەدەلدەتۋگە، تەستىلەۋدەن ءساتتى وتكىزۋگە نەمەسە مەملەكەتتىك قىزمەتتەردى الۋعا ىقپال ەتۋگە ۋادە بەرەتىن دەلدالدارعا قاتىستى وتىنىشتەر ءتۇسىپ جاتىر.
«مۇنداي ۋادەلەرگە سەنبەڭىزدەر. بۇل باعىتتاعى مەملەكەتتىك قىزمەتتەر بەلگىلەنگەن تارتىپپەن كورسەتىلەدى. تەستىلەۋ ناتيجەلەرىن نەمەسە قۇجاتتاردى قاراۋ ناتيجەسىن قانداي دا ءبىر اقى ءۇشىن وزگەرتۋگە بولمايدى. ەڭ باستىسى – بەيتانىس دەلدالدارعا اقشا بەرمەڭىزدەر جانە تەك رەسمي اقپاراتقا جۇگىنىڭىزدەر»،– دەلىنگەن حابارلامادا.
ۇقساس جاڭالىقتار
