اسحات ورالوۆ «ادىلەت» پارتياسى توراعاسىنىڭ ورىنباسارى قىزمەتىنە تاعايىندالدى. ول پارتيانىڭ جۇمىستى باقىلاۋ، تالداۋ جانە باعالاۋ باعىتتارىنا جاۋاپ بەرەدى، دەپ حابارلايدى "ادىرنا".
ورالوۆ بۇل قىزمەتكە دەيىن ماڭعىستاۋ وبلىسى اكىمىنىڭ ءبىرىنشى ورىنباسارى بولىپ جۇمىس ىستەگەن. ول اتالعان قىزمەتتى شامامەن ءبىر جىل اتقاردى.
اسحات ورالوۆتىڭ پارتيالىق جۇمىستا تاجىريبەسى بار. بۇعان دەيىن «جاس وتان» جانە «نۇر وتان» ۇيىمدارىندا قىزمەت اتقارعان. 2022 جىلى پارتيانىڭ اتقارۋشى حاتشىسى بولدى.
2023 جىلى مادەنيەت جانە سپورت ءمينيسترى قىزمەتىن اتقارىپ، كەيىن پرەزيدەنت اكىمشىلىگىندە مەملەكەتتىك ينسپەكتور بولىپ جۇمىس ىستەدى.
اسحات ورالوۆ اقسۋ قالاسىندا دۇنيەگە كەلگەن. ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى مەن ماسكەۋ مەملەكەتتىك حالىقارالىق قاتىناستار ينستيتۋتىن تامامداعان. فيلوسوفيا دوكتورى عىلىمي دارەجەسى بار.
بۇعان دەيىن «ادىلەت» پارتياسى توراعاسىنىڭ ورىنباسارلارى قىزمەتىنە نۇرسۇلتان بايتىلەسوۆ پەن ەلدار جۇماعازيەۆ تاعايىندالعانىن جازعان ەدىك.
