قازاقستانداعى سايلاۋالدى ۇگىت-ناسيحاتتىڭ باسى - ساياسي ماۋسىمنىڭ جۇمباعىن شەشىپ بەرگەندەي. بەلگىلى ساياساتتانۋشى عازيز ابىشەۆ بايگەگە قاتىسىپ جاتقان پارتيالاردىڭ العاشقى قادامىن ساراپتاي كەلە، «ادىلەت» پارتياسىنىڭ العاشقى كۇننەن-اق ناۋقاندى سەنىمدى تۇردە باستاعانىن ايتتى.
«پارتيالار ۇگىت-ناسيحات ناۋقانىن جۇرگىزىپ جاتىر. «ادىلەت» پارتياسى بايگەنى قارقىندى تۇردە باستادى »، – دەيدى ساراپشى.
پارتيا قۇرامىنىڭ باستى ارتىقشىلىعى – بۇل جەرگە ناعىز ماماندار توپتاسقان. ابىشەۆتىڭ پىكىرىنشە، «ادىلەت» ءوز تۋىنىڭ استىنا جاي عانا تانىمال ادامداردى ەمەس، ناعىز ەل باسقارعان تاجىريبەلى تۇلعالار مەن بىلىكتى مامانداردىڭ ءبىرتۇتاس توبىن جيناي ءبىلدى.
«ادىلەت» پارتياسى بىلىكتى ءارى تاجىريبەلى مامانداردىڭ ۇجىمىن قۇراي الدى. وسىنى ەسكەرگەن ءجون»، – دەيدى ول.
پارتيانىڭ ساياسي الەۋەتىن ەسىمى ەلگە تانىمال جەتەكشىلەر مەن بەدەلدى تۇلعالار قالىپتاستىرىپ وتىر. ولاردىڭ قاتارىندا پرەزيدەنت اكىمشىلىگىنىڭ بۇرىنعى باسشىسى ايبەك دادەباي، پرەزيدەنت اكىمشىلىگى باسشىسىنىڭ ءبىرىنشى ورىنباسارى ەرلان قارين، پرەزيدەنت تەلەراديوكەشەنىنىڭ باسشىسى راۋشان قاجىباەۆا جانە «قازاقتەلەكوم» اكتسيونەرلىك قوعامىنىڭ باسشىسى باعدات مۋسين بار.
پارتيانىڭ زاڭنامالىق جانە ينستيتۋتسيونالدىق بازاسىن قۇقىق پەن قارجى ماسەلەسىندە مول تاجىريبەسى بار مەملەكەت قايراتكەرلەرى تولىقتىرىپ وتىر. ولاردىڭ اراسىندا استانا حالىقارالىق قارجى ورتالىعىنىڭ باسشىسى رينات بەكتۇروۆ، ەسەپ كوميتەتىنىڭ بۇرىنعى ءتورايىمى ناتاليا گودۋنوۆا، سەناتتىڭ بۇرىنعى ۆيتسە-سپيكەرى ولگا پەرەپەچينا، بۇرىنعى وقۋ-اعارتۋ ءمينيسترى اسحات ايماعامبەتوۆ، سونداي-اق بەدەلدى زاڭگەرلەر مۇرات ابەنوۆ، مارات باشيموۆ، سنەجاننا يماشەۆا، تاتيانا ساۆەلەۆا، ايدوس سارىم، جۇلدىز سۇلەيمەنوۆا جانە ماكسيم روجين، سەرگەي پونوماريوۆ، ەرلان سايروۆ، ەكاتەرينا سمىشلياەۆا سياقتى قازىرگى حالىق قالاۋلىلارى بار.
وسى رەتتە پارتيانىڭ باستى الەۋمەتتىك ارقاۋى – ءوندىرىس پەن باسقا دا سالالاردان كەلگەن ماماندار ەكەنىن ايتا كەتۋ كەرەك. بۇل ساپتا مەتاللۋرگ ۆاديم باسين، ەنەرگەتيك سۇڭعات ەسىمحانوۆ، اۋىل شارۋاشىلىعى وكىلدەرى گەننادي زەنچەنكو مەن يليا تەرەنچەنكو، پەداگوگ شولپان كارينوۆا، جوعارى وقۋ ورنىنىڭ رەكتورى لاۋرا قاراباسوۆا، پوليتسيا گەنەرال-لەيتەنانتى مارات قوجاەۆ، ونەركاسىپ مامانى اندرەي لاۆرەنتەۆ، اۆتوجولشى زامير ساعينوۆ، ءتىلشى-عالىم انار فازىلجان جانە ورتالىق سايلاۋ كوميسسياسى توراعاسىنىڭ بۇرىنعى ورىنباسارى كونستانتين پەتروۆ بار.
پارتيا ءوزىنىڭ ينتەللەكتۋالدىق الەۋەتىن ساراپشىلار مارات شيبۇتوۆ، مەديا سالاسىنىڭ جەتەكشىسى قارلىعاش جامانقۇلوۆا جانە بۇرىنعى ۋاكىل دينارا زاكيەۆامەن تولىقتىرعان. ال زاڭگەر ايجان ايماعانوۆا، گروسسمەيستەر گۇلىسحان ناحباەۆا، ساراپشى نۇربەك ماتجاني جانە جۋرناليست ۋليانا اشيموۆا پارتياعا جاڭا لەپ پەن تىڭ كوزقاراس الىپ كەلدى. ابىشەۆ اتاپ وتكەندەي، ولاردىڭ كوبى قالىڭ جۇرتقا كەڭىنەن تانىس بولماسا دا، كاسىبي بىلىگى مول ماماندار.
الداعى ۇگىت-ناسيحات دوداسىنداعى پارتيانىڭ ۇيىمداستىرۋشىلىق مۇمكىندىكتەرىن سيپاتتاي كەلە، عازيز ابىشەۆ پارتيانىڭ رەسۋرستىق قورىنىڭ مول ەكەنىن اتاپ ءوتتى.
«ادىلەتتىڭ» ايماقتاردا تارماقتالعان جەلىسى بارىن جانە اۋقىمدى اقپاراتتىق-ناسيحات جاساۋعا مۇمكىندىگى بار ەكەنىن ەسكەرسەك، سايلاۋالدى ناۋقانى وتە قارقىندى ءوتۋى ءتيىس. بۇل – جاڭا پارتيا، سوندىقتان سايلاۋشىلاردىڭ باسىم بولىگىن قامتىپ، ءوزىن جاڭا كۇش رەتىندە تانىستىرۋى قاجەت. ازىرشە قارجىلىق، كادرلىق جانە وزگە دە مۇمكىندىكتەرى تولىعىمەن جەتىپ تۇرعانعا ۇقسايدى»، – دەپ تۇيىندەدى.
«ادىلەت» پارتياسىنىڭ ءباسپاسوز قىزمەتى
«ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى
تاپسىرىس بەرۋشى: ن.ت. مىڭجاساروۆ
