مالايزيا كورولى سۇلتان يبراگيم 11 قىركۇيەكتە ەلدىڭ بۇرىنعى پرەمەر-ءمينيسترى نادجيب رازاكتىڭ كەشىرىم سۇراعان جاڭا ءوتىنىشىن قاراۋدى كەيىنگە قالدىردى. سول وتىرىستا تاعى 65 سوتتالۋشىعا كەشىرىم جاسالعانىن Reuters جاريالادى، دەپ حابارلايدى “ادىرنا”.
رازاك 2022 جىلدان بەرى مەملەكەتتىك 1MDB قورىنداعى جەمقورلىق داۋىنا بايلانىستى تۇرمەدە وتىر. تەرگەۋ مالىمەتىنشە، قوردان ۇرلانعان 1 ميلليارد دوللاردان استام قاراجات ساياساتكەرمەن بايلانىستى شوتتارعا اۋدارىلعان. ال قوردان جىمقىرىلعان قارجىنىڭ جالپى كولەمى شامامەن 4,5 ميلليارد دوللارعا جەتكەن. بۇرىنعى پرەمەر-مينيستر وزىنە تاعىلعان ايىپتاردى جوققا شىعارعان.
بۇعان دەيىن رازاكقا باستاپقىدا تاعايىندالعان 12 جىلدىق باس بوستاندىعىنان ايىرۋ جازاسى ەكى ەسەگە قىسقارتىلعان بولاتىن. الايدا كەيىن باسقا ءىس بويىنشا وعان قوسىمشا 15 جىلعا باس بوستاندىعىنان ايىرۋ جازاسى جانە 2,8 ميلليارد دوللار كولەمىندە ايىپپۇل تاعايىندالدى.
ەندى ونىڭ جاڭا كەشىرىم سۇراۋىنا قاتىستى شەشىم ارنايى كوميسسيانىڭ كەلەسى وتىرىسىندا قابىلدانادى.
