الماتىدا اكتەر ءارى مما فايتەرى ەركەبۇلان توقتار اكىمشىلىك جاۋاپكەرشىلىككە تارتىلدى، دەپ حابارلايدى "ادىرنا" ءتىلشىسى.
بۇل تۋرالى الماتى قالاسىنىڭ پروكۋراتۋراسى حابارلادى.
پروكۋراتۋرا قىزمەتكەرلەرى الەۋمەتتىك جەلىلەرگە مونيتورينگ جۇرگىزۋ بارىسىندا سپورتشىنىڭ بەيادەپ سوزدەر ايتقان ۆيدەوسىن انىقتاعان.
ماتەريالدار الماتى قالاسىنىڭ مامانداندىرىلعان اۋدانارالىق اكىمشىلىك سوتىندا قارالدى. سوت ەركەبۇلان توقتاردى اكىمشىلىك قۇقىق بۇزۋشىلىق تۋرالى كودەكستىڭ 434-بابى — «ۇساق بۇزاقىلىق» بويىنشا كىنالى دەپ تانىدى.
سوت شەشىمىمەن وعان 20 ايلىق ەسەپتىك كورسەتكىش، ياعني 86 500 تەڭگە كولەمىندە ايىپپۇل سالىندى.
الماتى پروكۋراتۋراسى ادامنىڭ قوعامداعى تانىمالدىعى ونى زاڭ تالاپتارىن ساقتاۋ مىندەتىنەن بوساتپايتىنىن اتاپ ءوتتى.
ۇقساس جاڭالىقتار
