الماتىداعى «كەڭساي» زيراتىندا قازاق تەاتر جانە كينو ونەرىنىڭ كورنەكتى وكىلى، قازاقستاننىڭ ەڭبەك ەرى، كسرو جانە قازاقستاننىڭ حالىق ءارتىسى ءاسانالى ءاشىموۆتىڭ بەيىتىنە ورناتىلعان ەسكەرتكىشتىڭ سالتاناتتى اشىلۋ ءراسىمى ءوتتى، دەپ حابارلايدى "ادىرنا" ءتىلشىسى.
ەسكەرتكىشتىڭ اۆتورى – ءمۇسىنشى گۇلفيا مەندەش. ول بۇعان دەيىن دە ءاسانالى ءاشىموۆتىڭ كوزى تىرىسىندە اكتەردىڭ بىرنەشە بيۋست-ەسكەرتكىشىن جاساعان.
ءاسانالى ءاشىمۇلى قازاقستان تەاترلارى قاۋىمداستىعىنىڭ پرەزيدەنتى، مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ كوركەمدىك جەتەكشىسى قىزمەتتەرىن اتقارعان.
ونەر يەسى قازاق كينوسىنىڭ دامۋىنا ەلەۋلى ۇلەس قوستى. ول «قىز جىبەك» فيلمىندەگى بەكەجان، «اتاماننىڭ اقىرى» كارتيناسىنداعى شادياروۆ، «سارقىراماداعى» مامبەت، ء«ترانسسىبىر ەكسپرەسىندەگى» قاسىمحانوۆ جانە «بۇلعار دالاسىنان ەسكەن جىلى جەل» فيلمىندەگى شىڭعىس حان سەكىلدى كەيىپكەرلەردى سومدادى.
اكتەردىڭ «اتاماننىڭ اقىرى» فيلمىندەگى شادياروۆ ءرولى ءۇشىن قازاقستاننىڭ مەملەكەتتىك سىيلىعىنا يە بولدى. ال ء«ترانسسىبىر ەكسپرەسىندەگى» قاسىمحانوۆ بەينەسى وعان بۇكىلوداقتىق 11-كينوفەستيۆالدىڭ جۇلدەسىن اكەلدى.
ءاسانالى ءاشىموۆ شىعارماشىلىقپەن قاتار ادەبيەتكە دە ۇلەس قوستى. ول «مايرانىڭ ءانى»، «جان بولەك»، «مەنىڭ جانرىم – كۇندەلىك»، «عۇمىر-داريا» اتتى كىتاپتاردىڭ اۆتورى.
ءاسانالى ءاشىموۆ 2025 جىلعى 21 جەلتوقساندا 88 جاسىندا دۇنيەدەن ءوتتى.
