رەسەي ۆەتنامعا جەرگىلىكتى اۋە كومپانيالارىنىڭ ۇشاقتارىن ەكيپاجى جانە تەحنيكالىق قىزمەت كورسەتۋىمەن بىرگە جالعا بەرۋدى ۇسىندى، دەپ حابارلايدى "ادىرنا".
بۇل تۋرالى رەسەي كولىك ءمينيسترى اندرەي نيكيتين ايتتى.
ونىڭ سوزىنشە، ءتيىستى ۇسىنىس ۆەتنام تاراپىنا جولدانعان جانە قازىر قارالىپ جاتىر. ماسكەۋ بۇل كەلىسىم ەكى ەل اراسىنداعى اۋە قاتىناسىن كەڭەيتۋگە مۇمكىندىك بەرەدى دەپ ەسەپتەيدى.
ءمينيستردىڭ سوزىنشە، 2026 جىلى رەسەي مەن ۆەتنام اراسىنداعى تۋريستىك اعىن ايتارلىقتاي وسكەن. اۋە قاتىناسى بويىنشا كورسەتكىش 2025 جىلمەن سالىستىرعاندا ءۇش ەسەگە جۋىق ارتقان.
رەسەي بۇعان دەيىن دە ورتالىق ازيا ەلدەرى، كاتار، كۋۆەيت جانە ەفيوپيامەن ۇقساس كەلىسىم جاساۋعا تىرىسقان. الايدا ازىرگە شەتەلدىك اۋە كومپانيالارىنان ۇشاقتاردى ليزينگكە الۋ تۋرالى كەلىسىم جاسالعانى حابارلانباعان.
رەسەيلىك تاسىمالداۋشىلارعا قوسىمشا ۇشاقتار قاجەت. بۇعان ەلدەگى Boeing جانە Airbus ۇشاقتارىن ساتىپ الۋ مەن جوندەۋگە بايلانىستى قيىندىقتار سەبەپ بولىپ وتىر. بۇل ۇشاقتار رەسەيدىڭ ازاماتتىق اۆياتسيا پاركىنىڭ شامامەن ۇشتەن ەكىسىن قۇرايدى.
