شەشەنستان باسشىسى رامزان قادىروۆ كوماعا تۇسكەننەن كەيىن، قىركۇيەكتىڭ 17-ءسى كۇنى كەشكە قايتىس بولدى دەگەن اقپارات تارادى. بۇعان دەيىن ونىڭ ءباسپاسوز قىزمەتى قادىروۆتىڭ تاڭعى جۇگىرۋ كەزىندەگى بەينەجازباسى ارقىلى باق وكىلدەرىن الداماق بولعان. بۇل تۋرالى ۆچك-وگپۋ تەلەگرام-ارناسى جاريالادى، دەپ حابارلايدى “ادىرنا” ۇلتتىق پورتالى.
شەشەن وپپوزيتسيونەرى ابۋباكار يانگۋلباەۆ ءوزىنىڭ الەۋمەتتىك جەلىدەگى پاراقشاسىندا شەشەنستان باسشىسىنىڭ ولگەنىن حابارلادى.
اقپارات بويىنشا، وپپوزيتسيونەر قادىروۆتىڭ ءولىمى تۋرالى 13:27-دە الەۋمەتتىك جەلىدە جازدى. بۇل حاباردى ەستىگەن كەزدە كرەمل تىكۇشاقتارى قادىروۆ ەمدەلىپ جاتقان اۋرۋحاناعا جىبەرىلگەن. سونىمەن قاتار، ول جەرگە شەشەن ەليتاسىنىڭ قىمبات كولىكتەرىمەن كورتەجدەرى كەلە باستاعان.
كرەملدەن ۆنۋكوۆو باعىتىندا ەكى تىكۇشاق بىرىنەن سوڭ ءبىرى ۇشىپ كەتتى. كرەملدىڭ باس گوسپيتالىنە بىرىنەن سوڭ ءبىرى شەشەن مەملەكەتتىك نومىرلەرى بار، نە باسقا ۇيىمداردىڭ نومىرلەرى بار، بىراق سالوندا شەشەنستان تۇرعىندارى بار قىمبات كولىكتەر كەلىپ جاتىر، - دەلىنگەن حابارلامادا.
ءبىر قىزىعى، شەشەن ەليتاسىن اۋرۋحانا عيماراتىنا تەكسەرۋسىز كىرگىزەدى، ال باسقا كەلۋشىلەردى مۇقيات تەكسەرەدى.
دەگەنمەن، رەسەيدە قادىروۆتىڭ دەنساۋلىعى تۋرالى اقپاراتتى جاسىرۋعا تىرىسۋدا.
