Prezident Qasym-Jomart Toqaev Düniejüzılık keden ūiymynyŋ bas hatşysy İen Sonderspen kezdestı, dep habarlaidy "Adyrna" tılşısı.
Kezdesude Qazaqstandaǧy keden zaŋnamasyn jetıldıru jäne kedendık äkımşılendırudıŋ tiımdılıgın arttyru mäselelerı talqylandy.
Memleket basşysy Qazaqstannyŋ Euraziiadaǧy kölık bailanystaryn nyǧaituǧa jäne jük tranzitıne qolaily jaǧdai jasauǧa airyqşa män beretının atap öttı. Sondai-aq elde keden räsımderın oŋtailandyru üşın sifrlyq şeşımder qoldanylyp, «aqyldy şekara» modelın damytu jūmystary jalǧasyp jatqanyn aitty.
İen Sonders Düniejüzılık keden ūiymy men Qazaqstan arasyndaǧy yntymaqtastyqtyŋ ılgerıleuın joǧary baǧalady. Ol kedendık äkımşılendırudı jetıldıru, zamanaui sifrlyq tehnologiialardy engızu jäne tiıstı organdardyŋ institusionaldyq äleuetın arttyru baǧyttaryndaǧy jūmystardy atap öttı.
Taraptar 30 jyldan astam uaqyt boiy damyp kele jatqan özara tiımdı yntymaqtastyqty odan ärı nyǧaituǧa niettı ekenın rastady.
Sonymen qatar älemdık saudadaǧy jaŋa syn-qaterler men ürdıster jönınde pıkır almasty. Ortalyq Aziianyŋ sauda-ekonomikalyq bailanystaryn keŋeitu jäne öŋırdıŋ kölık-logistikalyq äleuetın arttyru perspektivalaryna erekşe nazar audaryldy.
