قازاقستان تاريحىنىڭ كوپتومدىعىن باسپاعا دايىنداۋ جۇمىستارى قارقىندى تۇردە ءجۇرىپ جاتىر. بۇل تۋرالى ۆيتسە-پرەزيدەنت ەرلان قارين جەلىدەگى پاراقشاسىندا جازدى، دەپ حابارلايدى «ادىرنا» ءتىلشىسى.
«قازىر اكادەميالىق ەڭبەكتەگى تەرمينولوگيانى بىرىزدەندىرۋ، تاريحي ماتەريالدار مەن يلليۋستراتسيالاردى جۇيەلەۋ، ماتىندەردى رەداكتسيالاۋ، بەتتەۋ جانە باسقا دا باسپا الدىنداعى جۇمىستار اتقارىلۋدا»،–دەدى ول.
سونداي-اق ۆيتسە-پرەزيدەنت كوپتومدىقتى ازىرلەۋگە جاۋاپتى رەداكتورلار ۇجىمىمەن كەزدەسۋ وتكىزىپ، كۇن تارتىبىندەگى وزەكتى ماسەلەلەردى تالقىلاعانىن جەتكىزدى.
«اكادەميالىق باسىلىمنىڭ باسپاعا ساپالى ءارى تالاپقا ساي دايىندالۋىنا قاتىستى اتقارىلىپ جاتقان شارۋالاردىڭ بارىسىن سارالادىق. بۇل باعىتتاعى جۇمىس جۇيەلى تۇردە جالعاسادى»،– دەپ تولىقتىردى ەرلان تىنىمبايۇلى.
ۇقساس جاڭالىقتار
