ۋكراينا پرەزيدەنتى ۆلاديمير زەلەنسكي كيەۆ قالاسىنىڭ ورتالىعىندا ورنالاسقان ۋكراينانىڭ قاۋىپسىزدىك قىزمەتى (ۋقق) عيماراتىنا رەسەيلىك درون سوققى جاساعانىن مالىمدەدى. بۇل تۋرالى ۆۆس جازدى، دەپ حابارلايدى “ادىرنا”.
زەلەنسكيدىڭ ايتۋىنشا، درون ۋقق-نىڭ ۆلاديميرسكايا كوشەسىندەگى ورتالىق عيماراتىنا، سوفيا سوبورىنىڭ قارسى بەتىندە ورنالاسقان نىسانعا تيگەن.
«ۋقق باسشىسى الەكساندر پوكلادپەن سويلەستىم. وكىنىشكە قاراي، كيەۆتەگى ۆلاديميرسكايا كوشەسىندە، سوفيا سوبورىنىڭ قارسى بەتىندە ورنالاسقان ۋقق ورتالىق عيماراتىنا رەسەيلىك دروننىڭ سوققىسى ءتيدى»، — دەپ جازدى ۋكراينا پرەزيدەنتى Telegram-داعى پاراقشاسىندا.
زەلەنسكي دروننىڭ عيماراتتاعى ۋقق باسشىسىنىڭ كابينەتىنە تىكەلەي باعىتتالعانىن اتاپ ءوتتى.
«درون وسى عيماراتتاعى ۋقق باسشىسىنىڭ كابينەتىنە تۋرا باعىتتالعان»، –دەدى ول.
ۋكراينانىڭ «ۋكراينسكايا پراۆدا» باسىلىمى ءوز دەرەككوزدەرىنە سىلتەمە جاساپ، درون ۋقق باسشىسى الەكساندر پوكلادتىڭ كابينەتىنە تۇسكەنىن حابارلادى. الايدا شابۋىل كەزىندە پوكلادتىڭ كابينەتىندە بولماعانى ايتىلدى.
زەلەنسكي وقيعاعا بايلانىستى ۋقق باسشىسىنا رەسەيگە جاۋاپ بەرۋدى تاپسىرعان. پرەزيدەنتتىڭ سوزىنشە، جاۋاپ «مۇمكىندىگىنشە اينا-قاتەسىز» بولۋى ءتيىس. ونىڭ ايتۋىنشا، بۇل شارا بارلىق قاجەتتى دايىندىق اياقتالعاننان كەيىن جۇزەگە اسىرىلماق.
