وسكەمەندە پوليتسيا «سەرگەك» كامەراسى ارقىلى جوعالعان ۆەلوسيپەدتەردى تاۋىپ بەردى.
– بەلگىلى كومپانيانىڭ باسشىلىعى مەكەمە جەرتولەسىندەگى ەكى ۆەلوسيپەدتىڭ جوعالعانىن بىردەن بايقاماعان. ولار جەرتولەگە بىلتىر قازان ايىنان كەيىن ەندى عانا (14 ساۋىردە) تۇسكەن دە ەكى ۆەلوسيپەدتىڭ جوقتىعىن بايقاعان. دەرەۋ پوليتسياعا حابارلاعان. شىعىن مولشەرىن 220 مىڭ دەپ اتاپ كورسەتكەن، – دەپ جازىلعان قالالىق پوليتسيا باسقارماسىنىڭ اقپاراتىندا.
اقپاراتتا ايتىلعانداي، ۇرلىقتىڭ «سەرگەك» كامەراسى ارقىلى 10 ساۋىردە بولعانى انىقتالعان. ەكى كۇدىكتى جەرتولە ەسىگىن بۇزىپ، ەكى ۆەلوسيپەدتى الىپ كەتكەن.
قازىرگى ۋاقىتتا ۆەلوسيپەدتەر يەسىنە قايتارىلدى. كۇدىكتىلەرگە قاتىستى قىلمىستىق كودەكستىڭ 188-بابى بويىنشا سوتقا دەيىنگى تەرگەۋ امالدارى جۇرگىزىلۋدە.
