ۇلتتىق قاۋىپسىزدىك كوميتەتى قوستاناي وبلىسى پوليتسيا دەپارتامەنتىنىڭ باستىعى ەرلان ءفايزۋلليننىڭ تۋعان ءىنىسى ناريمان فايزۋللينگە قاتىستى سوتقا دەيىنگى تەرگەۋ باستالعانىن راستادى، دەپ حابارلايدى "ادىرنا" ءتىلشىسى.
ۆەدومستۆونىڭ مالىمەتىنشە، ناريمان فايزۋللينگە قاتىستى قىلمىستىق ءىس بويىنشا تەرگەپ-تەكسەرۋ جۇرگىزىلىپ جاتىر. تەرگەۋ قۇپياسىنا بايلانىستى وزگە اقپارات جاريالانبايدى.
ناريمان فايزۋللين «ستەپنياك 2015» جشس ديرەكتورى قىزمەتىن اتقارادى.
بۇعان دەيىن باق-تا ونىڭ 26 تامىزدا ۇستالعانى جانە قىلمىستىق كودەكستىڭ 367-بابى 3-بولىگى بويىنشا كۇدىككە ىلىنگەنى تۋرالى اقپارات تاراعان. الايدا بۇل مالىمەت ۇقك-ءنىڭ رەسمي جاۋابىندا ناقتىلانباعان.
ەرلان فايزۋللين 2023 جىلعى مامىردان بەرى قوستاناي وبلىسى پوليتسيا دەپارتامەنتىنىڭ باستىعى قىزمەتىن اتقارادى. ونىڭ ارنايى اتاعى – پوليتسيا گەنەرال-مايورى.
