Ūlttyq qauıpsızdık komitetı Qostanai oblysy polisiia departamentınıŋ bastyǧy Erlan Faizullinnıŋ tuǧan ınısı Nariman Faizullinge qatysty sotqa deiıngı tergeu bastalǧanyn rastady, dep habarlaidy "Adyrna" tılşısı.
Vedomstvonyŋ mälımetınşe, Nariman Faizullinge qatysty qylmystyq ıs boiynşa tergep-tekseru jürgızılıp jatyr. Tergeu qūpiiasyna bailanysty özge aqparat jariialanbaidy.
Nariman Faizullin «Stepniak 2015» JŞS direktory qyzmetın atqarady.
Būǧan deiın BAQ-ta onyŋ 26 tamyzda ūstalǧany jäne Qylmystyq kodekstıŋ 367-baby 3-bölıgı boiynşa küdıkke ılıngenı turaly aqparat taraǧan. Alaida būl mälımet ŪQK-nıŋ resmi jauabynda naqtylanbaǧan.
Erlan Faizullin 2023 jylǧy mamyrdan berı Qostanai oblysy polisiia departamentınıŋ bastyǧy qyzmetın atqarady. Onyŋ arnaiy ataǧy – polisiia general-maiory.
