جول اپاتىنان كوز جۇمعان بالالار سانى كۇرت كوبەيدى. بۇل تۋرالى ىشكى ىستەر مينيسترلىگى اتا-انالارعا ەسكەرتۋ جاسادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، بيىل جول اپاتىنان قايتىس بولعان بالالاردىڭ سانى 14%-كە، ال زارداپ شەككەندەر سانى 3%-كە وسكەن.
بالانىڭ جولداعى مىنەز-قۇلقى كوپ جاعدايدا اتا-اناسىنا بايلانىستى. بالا كورگەنىن ىستەيدى، - دەيدى پوليتسەيلەر.
وسى ورايدا جاياۋ جۇرگىنشىنىڭ كىناسىنەن بولاتىن جول اپاتىنىڭ نەگىزگى سەبەپتەرى ايتىلدى. ولار:
- بەلگىلەنبەگەن جەردەن جولدى كەسىپ ءوتۋ;
- جاقىنداپ قالعان كولىكتىڭ الدىنان جۇگىرىپ ءوتۋ;
- باعدارشامنىڭ تىيىم سالىنعان بەلگىسىنە ءوتۋ.
