قىزىلوردا وبلىسىنىڭ ارال اۋدانىندا ۋچاسكەلىك پوليتسيا ينسپەكتورى قازا تاپتى، دەپ حابارلايدى “ادىرنا” ءتىلشىسى.
وقيعا 1 قىركۇيەككە قاراعان ءتۇنى بولعان.
وبلىستىق پوليتسيا دەپارتامەنتىنىڭ مالىمەتىنشە، پوليتسيا قىزمەتكەرىنە تۇرمىستىق جانجال كەزىندە دەنە جاراقاتتارى كەلتىرىلگەن. ول العان جاراقاتتارىنان كوز جۇمعان. وقيعا كەزىندە پوليتسەي ەڭبەك دەمالىسىندا بولعان.
قىزمەتكەردىڭ دەنەسى جەكە تۇرعىن ءۇيدىڭ اۋلاسىنداعى گاراجدان تابىلعان. مارقۇم 1988 جىلى تۋعان.
پوليتسيا كۇدىكتىنىڭ جەكە باسىن انىقتاعان. قازىر ونى ۇستاۋ بويىنشا جەدەل شارالار جۇرگىزىلىپ جاتىر.
ۆەدومستۆو مالىمەتىنشە، كۇدىكتى بۇعان دەيىن مارقۇم ۋچاسكەلىك ينسپەكتور تاراپىنان تۇرمىستىق قۇقىق بۇزۋشىلىقتار ءۇشىن بىرنەشە رەت اكىمشىلىك جاۋاپكەرشىلىككە تارتىلعان. وعان قاتىستى قورعاۋ نۇسقامالارى دا شىعارىلعان.
اتالعان فاكتى بويىنشا قىلمىستىق ءىس قوزعالىپ، سوتقا دەيىنگى تەرگەۋ باستالدى. وقيعانىڭ بارلىق ءمان-جايى انىقتالىپ جاتىر.
