ءدىنتانۋشى نۇرلان بايجىگىتۇلى سوڭعى ۋاقىتتا جاستار اراسىندا ءدىني توپتارعا ءبولىنۋ ءۇردىسىنىڭ كۇشەيىپ بارا جاتقانىنا الاڭداۋشىلىق ءبىلدىردى، دەپ حابارلايدى «ادىرنا» ءتىلشىسى.
«سوڭعى ۋاقىتتا جاستار دىنگە بەرىلىپ، اسىرە دىنشىلدىككە ءوتتىم دەپ، جاماعات «جاماعات» بولىپ، ۇستاز «ۇستاز» بولۋدا. ءاربىر ۇستاز ءوزىنىڭ تىڭدارماندارىن قۇدايعا، قمدب-عا، بەلگىلى ءبىر شاڭىراققا جيناۋدىڭ ورنىنا باس-باسىنا جيناپ، «انانى تىڭداما، مىنانى تىڭداما» دەپ ىرىتكى سالىپ جۇرگەن جاعداياتتارى بار»،–دەدى ول.
نۇرلان يمام مۇنداي ارەكەتتەردىڭ راديكالدى كوزقاراستاردىڭ قالىپتاسۋىنا ىقپال ەتۋى مۇمكىن ەكەنىن ايتىپ، ءوزىن وزگەلەردەن جوعارى قوياتىن تۇسىنىكتەردەن ساق بولۋعا شاقىردى.
«نامازحانبىز، ورازاشىلارمىز، قاجىلارمىز» دەپ WhatsApp-تان توپ اشۋدى قويۋ كەرەك. تاڭنان اتىسىنان كۇننىڭ باتىسىنا دەيىن ءسوز جىبەرە بەرگەن جاقسى دۇنيە ەمەس. جاقسى ءسوز ايتۋدا تۇرعان ابەستىك جوق، بىراق «جاماعات» دەپ ءبولىنىپ، «سەن كۇناھارسىڭ، مەن جانناتتىقپىن» دەۋ ارقىلى ءجاننات پەن توزاقتىڭ لوكاتسياسىن قولىنا الىپ العاندار كىلتىن اللاعا وتكىزۋى ءتيىس. ءبىز، قازاق، ءبولىنۋدى ۇناتپاعان ەلمىز. ءبىز – بىرلىكتىڭ تۋىن ۇستاعان ەلمىز. نامىز وقىسا دا، وقىماسا دا، مەشىتكە بارسا دا، بارماسا دا، ءبىزدىڭ قاۋىم – ءبىرتۇتاس ەل»،–دەدى ءدىنتانۋشى.
