وزبەكستان رەسپۋبليكاسىنىڭ پرەزيدەنتى شاۆكات ميرزيوەۆتىڭ باستاماسىمەن جəنە تاشكەنت وبلىسى əكىمىنىڭ شەشىمىمەن تاشكەنت وبلىسى بوستانلىق اۋدانىنىڭ قاراماناس اۋىلىندا ورنالاسقان No34 مەكتەپكە كورنەكتى قازاق جازۋشىسى، دراماتۋرگ، اۋدارماشى جəنە قوعام قايراتكەرى راحمەتوللا رايىمقۇلوۆتىڭ ەسىمى بەرىلدى.
2026 جىلعى 2 قىركۇيەكتە راحمەتوللا رايىمقۇلوۆ اتىنداعى No34 مەكتەپتە جاڭا وقۋ جىلىنىڭ باستالۋىنا جəنە قالامگەردىڭ تۋعان جەرىندە ونىڭ ەسىمىن ۇلىقتاۋعا ارنالعان مەرەكەلىك ءىس-شارا وتەدى.
ءىس-شاراعا وزبەكستان مەن قازاقستاننىڭ بەلگىلى مەملەكەت جəنە قوعام قايراتكەرلەرى، سونىڭ ىشىندە وزبەكستان رەسپۋبليكاسى مەكتەپكە دەيىنگى جəنە مەكتەپ ءبىلىمى مينيسترلىگى مەن مəدەنيەت مينيسترلىگىنىڭ باسشىلىعى، قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جəنە وكىلەتتى ەلشىسى ەرالى توعجانوۆ، تۇركى مəدەنيەتى جəنە مۇراسى قورىنىڭ پرەزيدەنتى، پروفەسسور اقتوتى رايىمقۇلوۆا، بەلگىلى قازاق قالامگەرلەرى مەن əدەبيەتتانۋشىلارى قۇلبەك ەرگوبەك پەن نۇرعالي وراز، سونداي-اق ەكى ەلدىڭ شىعارماشىلىق زيالى قاۋىم وكىلدەرى، جازۋشىنىڭ ۇرپاقتارى، ۇستازدار، وقۋشىلار مەن اتا-انالار قاتىسادى.
ءىس-شارا اياسىندا جاڭا وقۋ جىلىنىڭ العاشقى قوڭىراۋى سوعىلىپ، جاڭارتىلعان مەكتەپ كىتاپحاناسى مەن راحمەتوللا رايىمقۇلوۆقا ارنالعان مەموريالدىق بۇرىش اشىلادى، سونداي-اق كىتاپحانا قورىن تولىقتىرۋ ماقساتىندا كىتاپتار تابىستالادى. سونىمەن قاتار وسكەلەڭ ۇرپاقتىڭ كىتاپ وقۋ مəدەنيەتىن قالىپتاستىرۋعا، قالامگەردىڭ شىعارماشىلىعىمەن تانىستىرۋعا جəنە ونىڭ əدەبي مۇراسىن كەڭىنەن ناسيحاتتاۋعا باعىتتالعان رۋحاني-اعارتۋشىلىق كەش وتەدى.
راحمەتوللا رايىمقۇلوۆ 1913 جىلى تاشكەنت وبلىسى بوستانلىق اۋدانىنىڭ قاراماناس اۋىلىندا دۇنيەگە كەلگەن. ول مول əدەبي مۇرا قالدىرىپ، قازاق جəنە وزبەك əدەبيەتى مەن مəدەنيەتىنىڭ دامۋىنا، باۋىرلاس ەكى حالىق اراسىنداعى رۋحاني جəنە مəدەني بايلانىستاردىڭ نىعايۋىنا زور ۇلەس قوستى. قالامگەردىڭ كەڭىنەن تانىلعان شىعارمالارىنىڭ قاتارىندا «جاسىل بەلەس»، «تۇيەلى ادام»، «بالداقتى ادام»، «قارا جورعا» رومانى جəنە باسقا دا تۋىندىلارى بار.
مەكتەپكە راحمەتوللا رايىمقۇلوۆتىڭ ەسىمىنىڭ بەرىلۋى ايرىقشا سيمۆولدىق مəنگە يە. بۇل باستاما ورتاق مəدەني مۇراعا دەگەن قۇرمەتتىڭ، قازاقستان مەن وزبەكستان حالىقتارىنىڭ تاريحي جاقىندىعى مەن عاسىرلار بويعى باۋىرلاستىعىنىڭ، سونداي-اق ەكى ەل اراسىنداعى مəدەني- گۋمانيتارلىق ىنتىماقتاستىقتىڭ ودان ءəرى نىعايا تۇسكەنىنىڭ جارقىن كورىنىسى.
