پاۆلوداردا كاسىپورىنداردىڭ بىرىنەن شامامەن 25 ميلليون تەڭگە ۇرلاۋ دەرەگى بويىنشا كۇدىكتى ۇستالدى، دەپ حابارلايدى "ادىرنا" ءتىلشىسى.
بۇل تۋرالى پاۆلودار وبلىسىنىڭ پوليتسياسى حابارلادى.
تەرگەۋ بارىسىندا ۇرلىققا كاسىپورىننىڭ كۇزەتشىسى قاتىسى بار ەكەنى انىقتالعان.
پوليتسيا قىزمەتكەرلەرى ۇرلانعان 24 ميلليون تەڭگەنى باۋ-باقشا سەرىكتەستىكتەرىنىڭ بىرىنەن تاپقان. كۇدىكتى اقشانى الما اعاشىنىڭ تۇبىندە تۇرعان گۇل قۇمىراسىنىڭ ىشىنە جاسىرعان.
قازىرگى ۋاقىتتا كۇدىكتى ۇستالىپ، پاۆلودار قالاسى پوليتسيا باسقارماسىنىڭ ۋاقىتشا ۇستاۋ يزولياتورىنا قامالدى.
تاركىلەنگەن اقشا قىلمىستىق ءىس بويىنشا زاتتاي دالەل رەتىندە تىركەلدى.
قازىر تەرگەۋ امالدارى جۇرگىزىلىپ، قىلمىستىڭ بارلىق ءمان-جايى انىقتالىپ جاتىر.
ۇقساس جاڭالىقتار
