ۇلىتاۋ وبلىسىندا «قۇندىلىققا نەگىزدەلگەن ءبىلىم: ساپا، ساباقتاستىق جانە جاڭا مۇمكىندىكتەر» تاقىرىبىندا ءداستۇرلى وبلىستىق تامىز پەداگوگتەر كەڭەسى ءوتتى.
ءىس-شاراعا قازاقستان رەسپۋبليكاسىنىڭ وقۋ-اعارتۋ ۆيتسە-ءمينيسترى جايىق شاراباسوۆ قاتىستى.
كەڭەس بارىسىندا ۇلىتاۋ وبلىسىنىڭ اكىمى ەسەت بايكەن ءبىلىم بەرۋ سالاسىنا كورسەتىلەتىن مەملەكەتتىك قولداۋدىڭ جىل سايىن ارتىپ كەلە جاتقانىن اتاپ ءوتىپ، وڭىردە ءبىلىم بەرۋ ينفراقۇرىلىمىن دامىتۋ جانە جاڭعىرتۋ باعىتىندا جۇزەگە اسىرىلىپ جاتقان جوبالاردىڭ ماڭىزدىلىعىنا توقتالدى.
ء«وڭىرىمىز ءۇشىن ماڭىزدى وقيعالاردىڭ ءبىرى – «قازاقمىس» كورپوراتسياسىنىڭ قولداۋىمەن «ۇلىتاۋ» تەحنيكالىق ۋنيۆەرسيتەتىنىڭ اشىلۋى.
سونىمەن قاتار وقۋشى ورىندارىنىڭ تاپشىلىعىن ازايتۋ ماقساتىندا بيىل جەزقازعان قالاسىندا 1 000 ورىندىق BINOM مەكتەبىنىڭ، سونداي-اق ۇلدار مەن قىزدارعا ارنالعان ارقايسىسى 400 ورىنعا ەسەپتەلگەن، ينتەرناتتارى مەن جاتاقحانالارى بار ء«بىلىم-يننوۆاتسيا» ليتسەيلەرىنىڭ قۇرىلىسى باستالادى.
ءبىلىم بەرۋ ينفراقۇرىلىمىن جاقسارتۋ ماقساتىندا ساتباەۆ قالاسىندا، جاڭاارقا جانە ۇلىتاۋ اۋداندارىندا ەسكى مەكتەپتەر كەزەڭ-كەزەڭىمەن جاڭعىرتۋدان وتەدى»، – دەدى ءوڭىر باسشىسى.
تامىز كەڭەسى اياسىندا پەداگوگتەر ءبىلىم بەرۋ سالاسىنداعى جاڭا باستامالار مەن وڭ وزگەرىستەر، پيلوتتىق جوبالار، سونداي-اق ءبىلىم بەرۋ ۇدەرىسىندە جاساندى ينتەللەكتىنى ءتيىمدى پايدالانۋ مۇمكىندىكتەرى تۋرالى باياندامالار جاسادى.
جيىندا پەداگوگتەردىڭ ەڭبەگىنە ەرەكشە نازار اۋدارىلدى. وسكەلەڭ ۇرپاققا ءبىلىم بەرۋ مەن تاربيە ىسىنە ەلەۋلى ۇلەس قوسقان ۇستازدار مەملەكەتتىك جانە ۆەدومستۆولىق ناگرادالارمەن ماراپاتتالدى.
اتاپ ايتقاندا، پەداگوگتەرگە «ەڭبەك ارداگەرى» جانە «ىبىراي التىنسارين» مەدالدارى، ء«بىلىم بەرۋ ءىسىنىڭ قۇرمەتتى قىزمەتكەرى» توسبەلگىسى، قازاقستان رەسپۋبليكاسى وقۋ-اعارتۋ مينيسترلىگىنىڭ قۇرمەت گراموتالارى مەن العىس حاتتارى، سونداي-اق «قوسىمشا ءبىلىم بەرۋدىڭ ۇزدىگى» قۇرمەت ديپلومى تابىستالدى.
