بۇگىن الاتاۋعا قاراپ تۇرىپ، ەكونوميكا عىلىمدارىنىڭ دوكتورى، پروفەسسور، كوپتەگەن جىل ءال-فارابي اتىنداعى قازۇۋ-دا ءدارىس بەرگەن العاتبەك قىدىربەكۇلى اعامەن جەر-سۋ اتاۋلارىنىڭ تاريحي نەگىزدەرى تۋرالى اڭگىمەلەستىك.
ىلە الاتاۋىنىڭ كوپتەگەن شىڭدارى تاريحي-حالىقتىق اتاۋىن جوعالتقان.
ماسەلەن، العاتبەك اعانىڭ ايتۋىنشا، ىلە الاتاۋىنداعى تانىمال شىڭداردىڭ ءبىرى كامەنسكي - جايناق، وردجونيكيدزە - ايۋلى، موحناتكا-قۇندىزبورىك، پيلا-وجار، ۇلكەن الماتى - نايزاقارا شىڭى دەپ اتالعان (وكىنىشكە وراي، بۇل تاريحي اتاۋلاردى كارتادان تاپپايمىز).
ال ءبىز تۇرعان جۇماعالي سايىن مەن موڭكە بي قيىلىسىنان باستالاتىن توبە (Alatau Park) كوكدوڭ اتالىپتى (قازىر بۇل اتاۋ حالىق اراسىندا ۇمىت بولعان، ءارى كارتاعا جازىلماعان).
تاعى ءبىر قىزىق دەرەك ايتىلىپ قالدى.
قاسكەلەڭ وزەنىڭ تاۋداعى باستاۋى - قاسقاسۋ، ال ەلدى-مەكەننەن اعىپ وتەتىن تۇسىن قاسقاولەڭ. العاتبەك اعانىڭ ايتۋىنشا، ولەڭ ءشوپتىڭ قالىڭى وسكەنىن بىلدىرەدى. "ولەڭدى جەردە وگىز سەمىرەدى" دەگەنى – قۇنارلى جەردىڭ مالعا پايدا اكەلەتىندىگىن بىلدىرگەن.
ول ەسىكباسى شىڭىن ەسىكتى دەپ اتاۋ كەرەك دەيدى.
قازاق حالقىنىڭ دۇنيەتانىمىندا شىڭدار، وزەندەر اتاۋى كوپ جاعدايدا جەردىڭ بەدەرى مەن بەينەسى نەگىزىندە قويىلعان دەيدى العاتبەك اعا. سەبەبى، سارىجالاق، جوسالى كەزەڭ، جاسىل كول، نايزاقارا، جولبارىستى، ەسكىداريالىق، قۋاڭداريالىق. ماسەلەن، الماتى وبلىسىنداعى بايدىبەك بي اۋىلىن بۇرىن قۋاڭساز دەپ اتاعان دەيدى ول.
