قۇرىلتاي دەپۋتاتتارىن سايلاۋ كۇنى بىردە-ءبىر سايلاۋ ۋچاسكەسىندە قوعامدىق ءتارتىپتى ورەسكەل بۇزۋ فاكتىلەرىنە جول بەرىلگەن جوق. بۇل تۋرالى ونلاين-تەلەمارافون اياسىندا وتكەن وكق بريفينگىندە ءىىم رەسمي وكىلى شىڭعىس الەكەشەۆ ايتتى، دەپ حابارلايدى «ادىرنا» ءتىلشىسى.
ول ەلىمىزدىڭ بارلىق وڭىرىندە قوعامدىق ءتارتىپ پەن ازاماتتاردىڭ قاۋىپسىزدىگى قامتاماسىز ەتىلگەنىن جەتكىزدى. مينيسترلىك وكىلىنىڭ سوزىنشە، سايلاۋ كوميسسيالارىنىڭ، بايقاۋشىلاردىڭ قاۋىپسىز جۇمىس ىستەۋىنە جانە ازاماتتاردىڭ ءوز ەركىن بىلدىرۋىنە قاجەتتى جاعدايلار جاسالعان.
«ون مىڭنان استام سايلاۋ ۋچاسكەسىنىڭ بىردە-بىرىندە قوعامدىق ءتارتىپتى ورەسكەل بۇزۋ فاكتىلەرىنە جول بەرىلگەن جوق. داۋىس بەرۋ اياقتالعانىمەن، ىشكى ىستەر ورگاندارىنىڭ جۇمىسى جالعاسۋدا»،–دەدى سپيكەر.
پوليتسيا بارلىق ءىس-شارا تولىق اياقتالعانعا دەيىن قىزمەت اتقارۋىن جالعاستىرادى. جاعداي ءىىم باقىلاۋىندا.
