رەسەيلىك تەرگەۋ ورگاندارى وپەرالىق ءانشى ماريا ماكساكوۆانى ىزدەۋگە جاريالادى، دەپ حابارلايدى "ادىرنا" ۇلتتىق پورتالى تاسس اگەنتتىگىنە سىلتەپ.
باق بەتتەرىندە تاراعان اقپاراتقا سايكەس، بۇل تۋرالى ماسكەۋدە وتكەن سوت وتىرىسى بارىسىندا حابارلانعان.
ماكساكوۆاعا قاتىستى قىلمىستىق ءىس 2024 جىلدىڭ قىركۇيەگىندە قوزعالعان. تەرگەۋ وعان مەملەكەتتىك قاۋىپسىزدىككە قارسى باعىتتالعان ارەكەتتەرگە اشىق تۇردە شاقىرۋ جانە «شەتەل اگەنتى» رەتىندە مىندەتتەرىن ورىنداۋدان جالتارۋ باپتارى بويىنشا ايىپ تاققان.
تاسس حابارلاۋىنشا، تەرگەۋ ورگاندارى ماكساكوۆانىڭ ۋكراينالىق «سەيچاس» تەلەارناسىنا بەرگەن سۇحباتىنا نازار اۋدارعان. سۇحبات بارىسىندا ءانشى ۋكراينا قارۋلى كۇشتەرىن «لەۆيافاننىڭ ومىرتقاسىن سىندىرۋعا قاۋقارلى جالعىز كۇش» دەپ اتاپ، ۋكراين ارمياسىنا كومەكتەسۋ قاجەت ەكەنىن مالىمدەگەن.
تەرگەۋشىلەر بۇل مالىمدەمەلەردەن رەسەي ارمياسىن «ديسكرەديتاتسيالاۋ» جانە ۋكراينا قارۋلى كۇشتەرىن قارجىلاندىرۋعا شاقىرۋ ەلەمەنتتەرىن كورىپ، قىلمىستىق ءىس قوزعاعان. قازىر ماكساكوۆا رەسەي اۋماعىندا رەسمي تۇردە ىزدەۋدە.
ەسكە سالايىق، ماريا ماكساكوۆا – رەسەيدىڭ بۇرىنعى مەملەكەتتىك دۋما دەپۋتاتى جانە تانىمال وپەرا ءانشىسى. ول 2016 جىلدان بەرى ۋكراينادا تۇرىپ كەلەدى جانە رەسەي بيلىگىنىڭ ساياساتىنا قاتىستى بىرنەشە رەت سىني پىكىر بىلدىرگەن.
