قازاقستاندىق فۋتبولشى، «بەشيكتاش» كلۋبىنىڭ سپورتشىسى باقتيار زاينۋتدينوۆ تۇركيا سۋپەرليگاسىنىڭ 12-تۋرىندا جاراقات الىپ قالدى، بۇل تۋرالى Prosports.kz جاريالادى، دەپ حابارلايدى “ادىرنا” ۇلتتىق پورتالى.
دوپقا تالاس كەزىندە ونىڭ بەتىنە «يستانبۋل باشاكشەحير» كلۋبىنىڭ ويىنشىسى دجەروم وپوكۋدىڭ شىنتاعى قاتتى ءتيىپ كەتكەن. سالدارىنان زاينۋتدينوۆتىڭ باس سۇيەگى، كوزى جانە مۇرنىنا زاقىم كەلگەن. وسىلايشا، «يستانبۋل باشاكشەحيرمەن» بولعان ويىننىڭ 41-مينۋتىندا جارتىلاي قورعاۋشىنى اۋىستىرۋعا تۋرا كەلدى.
فۋتبولشى ىستامبۇلداعى اۋرۋحانالاردىڭ بىرىنە جاتقىزىلدى.
اتالعان ويىندا «بەشيكتاش» 1:0 ەسەبىمەن جەڭىسكە جەتتى.
قازاقستان فۋتبول فەدەراتسياسى زاينۋتدينوۆتىڭ جاراقاتى جانە ونىڭ ۇلتتىق قۇراما ماتچتارىنا قاتىسۋى تۋرالى مالىمدەمە جاسادى:
«ماتچتىڭ 37-ءشى مينۋتىندا بەتى مەن مۇرنىنان سوققى الىپ، ويىندى جالعاستىرا الماعان فۋتبولشىمىز باكتيەر زاينۋتدينوۆتىڭ مۇرىن سۇيەگى مەن اڭعالاعىنىڭ نەگىزى سىنعانى انىقتالدى. زاينۋتدينوۆتىڭ مۇرنىنا وتا جاسالىپ، تاڭعىش قالاق سالىندى»، - دەلىنگەن كلۋبتىڭ رەسمي مالىمدەمەسىندە.
زاينۋتدينوۆتىڭ الاڭعا قاشان ورالاتىنى ازىرگە بەلگىسىز: ول قازاقستان قۇراماسىنا 2024 جىلعى ەۋروپا چەمپيوناتىنىڭ ىرىكتەۋ ءتۋرنيرىنىڭ سان-مارينو جانە سلوۆەنيا قۇرامالارىنا قارسى شەشۋشى ماتچتارىندا ويناي المايتىن كورىنەدى.
