فۋتبولدان قازاقستان قۇراماسى قارسىلاستارىنا ەسە جىبەرىپ الدى، دەپ حابارلايدى "ادىرنا" ءتىلشىسى.
2024 جىلعى ەۋروپا چەمپيوناتىنىڭ ىرىكتەۋ ساتىسىنداعى جەتىنشى تۋرىندا قازاقستان قۇراماسى دانيادان 1:3 ۇپايمەن ۇتىلدى.
قازاقستاندىق فۋتبولشىلار قازىر H توبىندا سىنعا ءتۇسىپ جاتىر. ۇلتتىق قۇراما قورجىنىندا 12 ۇپاي بولىپ، ءتورتىنشى ورىندا تۇرعان ەدى.
ال ەكىنشى ورىنداعى دانيالىق سپورتشىلاردىڭ ەنشىسىندە 13 ۇپاي بار بولاتىن.
ويىننىڭ العاشقى مينۋتتارىندا قارسىلاستار قاقپاعا گول سالا المادى. الايدا 36-شى مينۋتتا دانيالىق يوناس ۆيند ءوز قۇراماسىن العا شىعاردى. ودان كەيىن فۋتبولشى روبەرت سكوۆ قاتارىنان دوپتى قازاقستان قۇرامىسىنىڭ قاقپاسىنا ءدال باعىتتاپ، ەكى گول سوقتى.
ويىننىڭ 58-مينۋتىندا قازاقستاندىق سپورتشى يان ۆوروگوۆسكي مەرگەندىك تانىتىپ، ەسەپ 1:3 بولدى.
كەلەسى ماتچتا قازاقستان قۇراماسى فينليانديا كومانداسىنا قارسى وينايتىن بولادى.
ويىن 17 قازاندا استانا ۋاقىتىمەن ساعات 22.00-دە حەلسينكيدەگى وليمپيادا ستاديونىندا وتەدى.
