«اباي الەمى: ويدان – ونەگەگە» ادەبي-تانىمدىق اپتالىعى اياسىندا تۇركىستان وبلىستىق «فاراب» امبەباپ عىلىمي كىتاپحاناسىنىڭ ۇيىمداستىرۋىمەن «بالاۋسا» بالالار ساۋىقتىرۋ لاگەرىندە ويىن-ساۋىق جانە تانىمدىق باعدارلاما ءوتتى.
ءىس-شارا بارىسىندا بالالارعا اباي قۇنانبايۇلىنىڭ ءومىرى مەن شىعارماشىلىعىنا ارنالعان ارنايى كىتاپ كورمەسى تانىستىرىلىپ، اقىننىڭ ادەبي مۇراسى مەن رۋحاني الەمى تۋرالى مازمۇندى اقپارات بەرىلدى.
تانىمدىق بولىمدە قاتىسۋشىلار ەكى توپقا ءبولىنىپ، ءوزارا ءبىلىم سايىسىندا باق سىنادى. «ابايدى بىلەسىڭ بە؟» اتتى ۆيكتورينالىق ويىندا بالالار اقىننىڭ ءومىرى، شىعارماشىلىعى مەن قارا سوزدەرىنە قاتىستى سۇراقتارعا جاۋاپ بەرىپ، بىلىمدەرى مەن تاپقىرلىقتارىن كورسەتتى.
ءىس-شارانىڭ اسەرلى ساتتەرىنىڭ ءبىرى – قاتىسۋشىلاردىڭ ابايدىڭ «جەلسىز تۇندە جارىق اي» ءانىن حورمەن ورىنداۋى بولدى. بالالار ونەرلەرىن ورتاعا سالىپ، كوتەرىڭكى كوڭىل كۇي سىيلادى.
تانىمدىق باعدارلاما سوڭىندا بەلسەندىلىك تانىتىپ، ءبىلىم سايىسىندا ۇزدىك ناتيجە كورسەتكەن قاتىسۋشىلارعا ارنايى العىس حاتتار مەن ەستەلىك سىيلىقتار تابىستالدى.
