2027 جىلدىڭ 22 ساۋىرىندە استانادا ەۋروپالىق فۋتبول قاۋىمداستىقتارى وداعىنىڭ (ۋەفا) 51-كونگرەسى وتەدى. بۇل تۋرالى تۋريزم جانە سپورت مينيسترلىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«بۇل – ۇيىمنىڭ ەڭ جوعارى باسقارۋشى ورگانى. كونگرەسس بارىسىندا ەۋروپا فۋتبولىنىڭ الداعى جىلدارداعى دامۋ باعىتىن ايقىندايتىن ماڭىزدى شەشىمدەر قابىلدانادى»،–دەلىنگەن حابارلامادا.
كونگرەسكە ۋەفا قۇرامىنا كىرەتىن 55 ۇلتتىق فۋتبول قاۋىمداستىعىنىڭ وكىلدەرى، ۇيىم پرەزيدەنتى، اتقارۋشى كوميتەت مۇشەلەرى، فيفا، ەۋروپالىق ليگالار، كلۋبتىق بىرلەستىكتەر جانە حالىقارالىق سپورت ۇيىمدارىنىڭ وكىلدەرى قاتىسادى.
الداعى كونگرەستىڭ باستى ەرەكشەلىكتەرىنىڭ ءبىرى – سايلاۋ ءراسىمىنىڭ ءوتۋى. ءدال وسى استانادا ۋەفا پرەزيدەنتى مەن اتقارۋشى كوميتەت مۇشەلەرى سايلانادى.
«قازاقستاننىڭ وسىنداي اۋقىمدى ءىس-شارانى وتكىزۋ قۇقىعىنا يە بولۋى – ۋەفا-نىڭ ەلىمىزگە بىلدىرگەن جوعارى سەنىمىنىڭ جانە حالىقارالىق دەڭگەيدەگى سپورتتىق ءىس-شارالاردى ۇيىمداستىرۋداعى تاجىريبەسى مەن الەۋەتىنىڭ مويىندالعانىنىڭ ايقىن دالەلى. كونگرەستى ۇيىمداستىرۋعا بايلانىستى بارلىق شىعىندى ۋەفا ءوز قاراجاتى ەسەبىنەن قارجىلاندىرادى»،–دەپ ءتۇسىندىردى مينيسترلىك.
ەسكە سالساق، 4 تامىزدا فرانتسيانىڭ «پاري سەن-جەرمەن» فۋتبول كلۋبى قازاقستاندا ءوزىنىڭ رەسمي اكادەمياسىن اشاتىنىن جاريالاعان ەدى.
