پاۆلوداردا قاربىزدىڭ اراسىنان ەسىرتكى تابىلدى. بۇل تۋرالى ىشكى ىستەر مينيسترلىگى ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ ورىنباسارى اسقار مۇحامەتقاليەۆ ايتتى، دەپ حابارلايدى “ادىرنا” ۇلتتىق پورتالى.
مالىمەت بويىنشا، ەسىرتكى رەسەيگە جەتكىزىلمەك بولعان.
بيىلعى شىلدەدە پاۆلودار – ومبى باعىتىنداعى جولدا ارنايى جاساقتىڭ كومەگىمەن جۇك كولىگىن تىزگىندەگەن 54 جاستاعى قىرعىزستان ازاماتى ۇستالدى. جۇك كولىگىنى Volvo ماركالى تىركەمەسىندە قىرعىزستاننان رەسەيگە جەتكىزىلۋى ءتيىس قاربىزبەن قوسا، 59 كيلوگرامم «گەروين» سالىنعان 21 پوليەتيلەندى وراما جانە 10 كيلوگرامم «گاشيش» سالىنعان ەكى وراما انىقتالىپ، تاركىلەندى، – دەدى اسقار مۇحامەتقاليەۆ.
اقپارات بويىنشا، بۇل شامامەن 250 مىڭ ءبىر رەتتىك دوزا، ونىڭ قارا نارىقتاعى قۇنى 2,5 ميلليون دوللاردان اسادى. قر قك-ءنىڭ 286-بابى 4-بولىگى بويىنشا سوتقا دەيىنگى ءىس جۇرگىزۋ باستالدى.
قازىرگى ۋاقىتتا وسى ەسىرتكى قىلمىسىنىڭ وزگە قاتىسۋشىلارى مەن ۇيىمداستىرۋشىلارىن، سونداي-اق ەسىرتكى جەتكىزۋدىڭ باسقا دا ىقتيمال ارنالارىن انىقتاۋ بويىنشا جۇمىس جۇرگىزىلۋدە، – دەدى اسقار مۇحامەتقاليەۆ.
ال قىلمىستى ۇيىمداستىرۋشىنىڭ مۇلكى تاركىلەنىپ، 20 جىلعا دەيىن باس بوستاندىعىنان ايىرۋ جازاسى كوزدەلەدى.
