Resei Federasiiasy Ukrainadaǧy qaqtyǧysty saiasi-diplomatiialyq jolmen retteuge daiyn ekenı turaly aqparat taratty, dep habarlaidy "Adyrna" ūlttyq portaly caliber-ge sıltep.
Būl turaly Resei syrtqy ıster ministrlıgınıŋ resmi ökılı Mariia Zaharova brifing barysynda aitty.
Onyŋ sözınşe, Mäskeu Ukrainadaǧy daǧdarysty diplomatiialyq jolmen şeşu ūstanymynan eşqaşan bas tartpaǧan.
«Bız öz tarapymyzdan Ukrainadaǧy daǧdarysty saiasi-diplomatiialyq jolmen retteuge daiyn ekenımızdı taǧy da rastaimyz. Bız būl ūstanymnan eşqaşan bas tartqan joqpyz. Alaida būl özara tüsınıstıkke, sonyŋ ışınde 2025 jylǧy tamyzda Aliaskada qol jetkızılgen uaǧdalastyqtarǧa negızdeluı tiıs», – dedı Mariia Zaharova.
Resei SIM ökılınıŋ aituynşa, Mäskeu qaqtyǧysty retteuge qatysty ūsynystar men bastamalardy talqylauǧa äzır.
Ol Reseidıŋ diplomatiialyq dialogty jalǧastyruǧa müddelı ekenın jäne saiasi retteu mäselesı boiynşa türlı ūsynystardy qarastyruǧa daiyn ekenın atap öttı.
Aita keteiık, Ombyda Resei basşysy Putinmen kezdesken Qazaqstan Prezidentı Qasym-Jomart Toqaev Resei men Ukraina arasyndaǧy qaqtyǧysty uaqytşa toqtatuǧa şaqyryp, öz ūstanymyn aitqan edı.
