جەزقازعان قالاسىنىڭ الاشاحان كوشەسىندەگى بەس قاباتتى تۇرعىن ءۇيدىڭ ءۇشىنشى قاباتىنداعى پاتەر بالكونىنان ءورت شىقتى، دەپ حابارلايدى "ادىرنا".
توتەنشە جاعدايلار مينيسترلىگىنىڭ قىزمەتكەرلەرى ءتىلسىز جاۋدى جىلدام اۋىزدىقتادى.
112 قىزمەتىنە حابار تۇسكەن بويدا قۇتقارۋشىلار وقيعا ورنىنا جەدەل جەتىپ، ءورتتى ءسوندىرۋ جۇمىستارىنا كىرىستى. ءورتتىڭ جالپى شارپىعان اۋماعى 4 شارشى مەتردى قۇرادى. مامانداردىڭ جەدەل ارەكەتىنىڭ ارقاسىندا جالىننىڭ كورشىلەس پاتەرلەرگە تارالۋىنا جول بەرىلمەي، ءورت قىسقا ۋاقىت ىشىندە تولىقتاي ءسوندىرىلدى.
وقيعا سالدارىنان زارداپ شەككەندەر جوق. قازىرگى ۋاقىتتا ماماندار ءورتتىڭ شىعۋ سەبەبىن انىقتاپ جاتىر.
ۇقساس جاڭالىقتار
